Mar 11:20-24 | KxfSCKXF | STEP | Nô̌kòtôni̤ lṳmṳ̌wî̤sò akhanu, asî hǎhtò̌cû̌ wô̤̌wô̤̌sô̌ klè̌ nutôbô dě dǐshimṳ̌ dǒ Yeshǔ ǐshokè yǎ nutômṳ̌ nî̌ asî kè̌shǐ kû̌ akhwesi sabô tǒ̤dǒ akhò̌wǐ̤.

Mark 11:20-24

Phî̌nṳ̌ ta̤sû̌ǐ tocǒ dǒ dǐshimṳ̌ tômṳ̌ a ô̌

(Matè̌ 21:20-22)

20 Nô̌kòtôni̤ lṳmṳ̌wî̤sò akhanu, asî hǎhtò̌cû̌ wô̤̌wô̤̌sô̌ klè̌ nutôbô dě dǐshimṳ̌ dǒ Yeshǔ ǐshokè yǎ nutômṳ̌ nî̌ asî kè̌shǐ kû̌ akhwesi sabô tǒ̤dǒ akhò̌wǐ̤. 21 Dě Khûpetarǔ gènè̤htò̌nṳ̌sô̌ Yeshǔ ǐshokè sǒmṳ̌nu dě a hî̌ lû̌û kû̌, “Sara꤮ kè̌mò̌ dǒnu, dǐshimṳ̌ dǒ na ǐshokè lû̌û nutôsǒ a khwesikè hǒ.”

22 Dě Yeshǔ hî̌shěshu asî kû̌, “Yṳ̌ǎ Cǒmara nu. 23 He hî̌cǒcǒ sî, kòyò tôpwa̤pwa̤ a kè̌ hî̌ khôlô nutômè kû̌, ‘sǒ cû̌ tephekè dǒ shidû̌shite̤we̤ akûnu,’ dě a kè̌ sǎphlǒ wò̌wè̌ tô̤̌ dě a kè̌ yṳ̌ǎ mè̤̌mî̌ca hî̌nu, a gǔ htûhtò̌ bǎ lû̌û pô̤̌ a hî̌ nu pě. ^a 24 Pô̤̌nu akhû̌akhî he hî̌ sî, sî kwita̤ dǒ pha Cǒmara a ô̌ titètè̌ bǎbǎnu yṳ̌ǎ kû̌ sî nǐ̤bǎhǒ, dě sî gǔ nǐ̤bǎ mè̤̌mî̌ca pě.