Mar 14:27-31 | KxfSCKXF | STEP | Yeshǔ hî̌ asî kû̌, “Cǒmara hî̌nǎ dǒwǐkha kû̌, ‘he glè̌ po̤si pwa̤kè̌pǒ̤sû̌phû̌ pě, dě sû̌phû̌ tokhlǒ gǔ khlè̌cû̌peshe pòwò̤̌ bòkè pě,’ Lî̤plò̌shǐkû hî̌ pô̤̌nu. Lǒ̤bò sî hǒtokhlǒ numî̌ asô̌sô̌kû̌ sû̌phû̌ tokhlǒ nuhǒ. Sî glè̌ hǎhtò̌khlè̌ cû̌khô̌bòkè helǎ̤ pě.

Mark 14:27-31

Yeshǔ shôbǐǐlṳ̌ nǎ wǐ Khûpetarǔ gǔ htè̌bǐ lû̌û

(Matè̌ 26:31-35; Lǔka 22:31-34; Yṳ̂ha 13:36-38)

27 Yeshǔ hî̌ asî kû̌, “Cǒmara hî̌nǎ dǒwǐkha kû̌,

‘he glè̌ po̤si pwa̤kè̌pǒ̤sû̌phû̌ pě, dě sû̌phû̌ tokhlǒ gǔ khlè̌cû̌peshe pòwò̤̌ bòkè pě,’ ^a Lî̤plò̌shǐkû hî̌ pô̤̌nu.

Lǒ̤bò sî hǒtokhlǒ numî̌ asô̌sô̌kû̌ sû̌phû̌ tokhlǒ nuhǒ. Sî glè̌ hǎhtò̌khlè̌ cû̌khô̌bòkè helǎ̤ pě. 28 Bǎbǎkǎlè htû̌꤮ he si ihtǒhtûpwa̤sô̌ htopěnu, he gǔ cû̌ ô̌nǎwǐ sî dǒ Galilè̤̌gǎ kûnu pě.” ^b

29 Khûpetarǔ hî̌shěshu lû̌û kû̌, “Kòyò dǒ ashǔshawa̤ tokhlǒ glè̌꤮ hǎhtò̌khlè̌cû̌ khô̌bòkè kû̌ na bǎbǎkǎlè he glè̌ hǎhtò̌khlè̌cû̌khô̌ nô̌ na tô̤̌.”

30 Dě Yeshǔ hî̌shěshu lû̌û kû̌, “He hî̌ mè̤̌mî̌ca na, hǒtôsa pě bǎ shîpha û̌ htò̌ ginǐ̤plǎ khôtô̤̌ nu, na sî̌ganǎ̤bǎnô̌ he tô̤̌nu na gǔ la̤lò̤kè suplǎ pě.”

31 Khûpetarǔ hî̌shěshǔ Yeshǔ kû̌, “He tôbǎ si kû̌ na bǎbǎ he sî̌ganǎ̤bǎnô̌ na tô̤̌nu he hî̌ nô̌ tôkhò̌ tô̤̌,” a hî̌shěshu měgle ayô̤̌ kû̌ Yeshǔ, dě akhôphijǎ dǒ ashǔshawa̤ tokhlǒnu, gû̌hî̌ sô̌sô̌lû̌û pô̤̌nu pṳ̂̌tôpwa̤.