Mark 2:23-28
Yeshǔ mî̌ lṳmṳ̌dǔ a Běcǎ
(Matè̌ 12:1-8; Lǔka 6:1-5)
23Bǎ lṳmṳ̌dǔ ▼▼Yǔdaphû̌ lṳmṳ̌dǔ mî̌ khònò̤̌ pwa̤yṳ̌ǎ khrǐphû̌sî kaǎ yǎ kû̌ Mô̤gètè̤
nutini̤ akhanu, Yeshǔ kû̌ akhôphijǎ tokhlǒ cû̌nṳ̌bò̌ kòyò bǔjû̌ hǔklakhû̌ tokhlǒ, dě akhôphijǎ tokhlǒ phû̌ǎ cû̌ kòyò bǔjû̌sǎ. b 24Dě Pharishè̌phû̌ tokhlǒ hî̌ Yeshǔ kû̌, “Kè̌mò̌, ta̤ma̤ dǒ asî tôbǎ ma̤ tô̤̌ dǒ lṳmṳ̌dǔ tokhlǒnu, asî cû̌ma̤tǒ̤ lô̌khô aya pô̤̌nu ma̤titè?” 25Dě a hî̌shěshu asî kû̌, “Dǒ awǐkha bǎ Khûdawi̤ kû̌ asû̌akhô tokhlǒ sǎǎsǎô jî̌ lû̌û dě a lǎ̤ǎlǎ̤ô ô̌ tô̤̌ akhanu, a ma̤kwè̌ titè numî̌ sî dô̌ nô̌ gû̌ kòyò tô̤̌ ya? 26Asî cû̌nṳ̌ lô̌khô dǒ Cǒmara ahǐkû dě mû̌ dǒ kòyò lṳhtò̌ kû̌ Cǒmara tokhlǒ numî̌ a ô̌ bǎnu, dě a ǎnǐ̤ pwǎtǒ̤ pwa̤shû̌gǎ tokhlǒ pwǎ bǎbǎkǎlè Khûdawi̤ kû̌ akhôphijǎ tokhlǒ cû̌nṳ̌phî̌ǎ bǎ tô̤̌ya? Bǎnukha numî̌ atô kû̌ Khûabyata htû pwa̤shû̌gǎ ikǒlǒkò.” c 27Běcǎ Yeshǔ hî̌ asî kû̌, “Kòyò numî̌ lṳmṳ̌dǔ aya mè̤̌tô̤̌, lṳmṳ̌dǔ numî̌ kòyò lǒ̤bò aya. 28Kòyòphû̌khû nî̌ lṳmṳ̌dǔ a Běcǎ cǒ tôpwa̤hǒ,” a hî̌shěshu asî pô̤̌nu.
Copyright information for
KxfSCKXF