Mat 12:38-42 | KxfSCKXF | STEP | Htodě Pharishè̌phû̌ tokhlǒ kû̌ pwa̤sû̌ǐ ta̤sû̌ta̤tòwò asara tokhlǒ hî̌ Yeshǔ kû̌, “Sara, na dǔlè̌lṳ̌ kè̌bǎ mò̌ pa ta̤cô̌klǐcô̌sè tocǒ kǎ, pa sǎyṳ kè̌shǐ yǎ.”

Matthew 12:38-42

Kòyò kwikè̌kè̌ ta̤cô̌klǐcô̌sè tocǒ

(Makǔ 8:11-12; Lǔka 11:29-32)

38 Htodě Pharishè̌phû̌ tokhlǒ kû̌ pwa̤sû̌ǐ ta̤sû̌ta̤tòwò asara tokhlǒ hî̌ Yeshǔ kû̌, “Sara, na dǔlè̌lṳ̌ kè̌bǎ mò̌ pa ta̤cô̌klǐcô̌sè tocǒ kǎ, pa sǎyṳ kè̌shǐ yǎ.” ^a

39 Dě a hî̌shěshu asî kû̌, “Kòyòkhu kòyòhe, kòyò dǒ acǒ gû̌ kò Cǒmara tô̤̌ hǒtôhtu tokhlǒ cû̌kwikè̌kè̌ tǒ̤ he ta̤ma̤ cô̌klǐcô̌sè tôcǒ, bǎbǎkǎlè he gǔ dǔlè̌lṳ̌ bǎpwǎ asî ta̤cô̌klǐ tôcǒ dǒ asô̌sô̌kû̌ piwi̤pèshè Khûyṳ̂nǎ nupě pwǎ. ^b 40 Ma̤titèhî̌dě, pô̤̌ Khûyṳ̂nǎ ô̌ dǒ tò̤̌phû̌ pǎdû̌ hǐphukû suni̤susanu, Kòyòphû̌khû mî̌ he a gǔ ô̌ dǒ hǎlǎ̤ suni̤susa pě. ^c 41 Dǒ Khûyṳ̂nǎ a ta̤shôbǐǐ bǎ Wî̤̌ni̤na̤wě̤phû̌ tokhlǒ dě a yò̤lǎ̤plǎdî̌ bò anǎ̤ akhû̌akhî, htû̌꤮ Cǒmara cî̌htò̌ kòyò pě tôni̤nu, Wî̤̌ni̤na̤wě̤phû̌ tokhlǒ ihtǒ kû̌ kò dǒ a htûpwa̤ khònò̤̌ tôhtu tokhlǒ pě dě a gǔ pè̤̌ asî ta̤sǔ pě. Khònò̤̌ kòyò dǒ adû̌khlo kû̌ Khûyṳ̂nǎnu a ô̌ bǒo tôpwa̤. ^d 42 Ta̤cî̌htò̌ alṳmṳ̌ni̤ pě tôni̤nu, gǎ dǒ gǎcômû tôgǎ a khwǐmǒ̤ Mǒ̤shebǎ gǔ ihtǒ kû̌ kò dǒ a htûpwa̤ khònò̤̌ tôhtu tokhlǒ pě dě a pè̤̌wǎ̤ ta̤sǔ dǒ asîlô̤ pě, ma̤titè̌hî̌dě pô̤̌khô a ganǎ̤de Khwǐshò̌lômû a ta̤sû̌ǐtòwòǐ dǒ a lǒbe kû̌ ta̤sî̌jò̌ tokhlǒ ayanudě, a ô̌ dǒ gǎyî̤ dǒ ashǔshawa̤ tôgǎ bǎbǎ a hètǒ̤. Dě he hî̌ sî, kòyò dǒ adû̌khlo kû̌ Khwǐshò̌lômûnu a ô̌ bǒo tôpwa̤. ^e