Matthew 16:20-28
20Dě Běcǎ Yeshǔ dǐsè̌rè̌nǎ a khôphijǎ tokhlǒ kû̌, he mî̌ Khrǐ tôpwa̤nu cû̌shôbǐǐlṳ̌ bǎ tǎ̤ kòyò tôpwǎ̤꤮ tǎ̤mǎ̤ nî̌꤮.Běcǎ Yeshǔ pwe̤ǐlṳ̌ kû̌ a gǔ khòbǎ ta̤jî̌ta̤jû̌ kû̌ ta̤si pě
(Makǔ 8:31-9:1; Lǔka 9:22-27)
21Sahtò̌ bǎnu dě Běcǎ Yeshǔ shôbǐǐlṳ̌pô̤̌ bǎ a khôphijǎ tokhlǒ kû̌ he bǎcû̌ dǒ Wî̤̌yarǔshôle dě Yǔdaphû̌ mǒ̤khumǒ̤pwǎ̤ tokhlǒ kû̌ pwa̤shû̌gǎ ikǒlǒkòdû̌ tokhlǒ kû̌ pwa̤sû̌ǐ ta̤sû̌ta̤tòwò asara tokhlǒ gǔ ma̤jî̌ma̤jû̌ he pṳ̂̌mi̤shicǒ pě. Asî gǔ ma̤si he pě htodě behtò̌ suni̤ tôni̤nu Cǒmara ma̤htûpwa̤ getîkhî he pě. 22Khûpetarǔ kaǎcû̌ tûcûkè Běcǎ tîkî̌phû̌ dě a tṳ̂mṳ̂̌ lû̌û kû̌, “Běcǎ Cǒmara gǔ ma̤tě̤tṳ̌ bǎtûû̌ na pě. A bǎ htûhtò̌ tîkî̌꤮ tô̤̌.” 23Běcǎ Yeshǔ ti̤wǐ̤ getîkhîtô Khûpetarǔ dě a hî̌ lû̌û kû̌, “Ǒ꤮ hǎkhû̌tana, hǎhtò̌cû̌ tephekè kû̌ he, na mî̌ asô̌sô̌kû̌ lǒ̤ tômè dǒ kòyò lǎ̤htò̌tukhu tômè nupwǎ. Na ta̤gènè̤ tokhlǒnu asô̌sô̌kû̌ kòyòhǎkhû̌phû̌ a ta̤gènè̤nu pwǎ, a sô̌sô̌kû̌ kû̌ Cǒmara a ta̤gènè̤ tokhlǒnu mè̤̌tô̤̌.” 24Htodě Běcǎ Yeshǔ hî̌ akhôphijǎ tokhlǒ kû̌, “Kòyò tôpwa̤pwa̤ kè̌ sǎyṳ gû̌ hekò hî̌nu, a tôbǎ ma̤ pô̤̌ he sǎyṳnoma̤ lû̌û nutokhlǒ, a ma̤ jû̌꤮ tûû̌ asǎphlǒ mî̌ anǐ̤ tô̤̌. A bǎ ò̌htò̌ tûû̌ a nò̌dò̌htǔ dě a bǎ gû̌ hekò. a 25Ma̤titèhî̌dě kòyò tôpwa̤pwa̤ dǒ a sǎleǐ tûû̌ a ta̤htûpwa̤nu, a gǔ si tûjû̌pwa̤ talakhǎ pě. Bǎbǎkǎlè kòyò dǒ a tṳ̌sikhòsi ata̤htûpwa̤ dǒ heya tôpwa̤pwa̤nu a gǔ nǐ̤bǎ ta̤htûpwa̤ tûjû̌pwa̤ pě. b 26Kòyò tôpwa̤pwa̤ kè̌ nǐ̤bǎ bò hǎkhû̌běkhû̌ a ta̤dû̌yò̤̌htò̌sa tokhlǒ bǎbǎkǎlè a kè̌ lò̤jû̌kè a yôla htûpwa̤ tûjû̌pwa̤ hî̌nu anǐ̤bwǐsîrî dǒ aya mî̌titè? Kòyò dǒ a sǎyṳ nǐ̤bǎ getîkhî sô̌ a yôla htûpwa̤ tûjû̌pwa̤ tôpwa̤pwa̤nu ta̤dû̌yò̤̌htò̌sa dǒ a gǔ pwî̤bò̌ kû̌ a yôla htûpwa̤nu a ô̌ tocǒ tô̤̌. 27Ma̤titèhî̌dě kòyòphû̌khû mî̌ he gǔ hè kû̌ apha ta̤bwǐdû̌sîrîhtû pě, kû̌mî̌ amǒkhû̌ tanaphû̌ tokhlǒ pě c dě a gǔ ǐ getîkhî kòyò pṳ̂̌꤮ tôpwa̤ pô̤̌ asî ma̤hto nutokhlǒ pě. d 28He hî̌ mè̤̌mî̌ca sî, kòyò dǒ a ihtǒô̌ bǎ sîkla tokhlǒkhlǒnu, bǎ asî si khôtô̤̌ kha, asî gǔ kè̌shǐ nô̌ lô̌khô Kòyòphû̌khû mî̌ he gǔ hè pô̤̌ khwǐ tôpwa̤nu pě.”
Copyright information for
KxfSCKXF