Matthew 16:5-12
Pharishè̌phû̌ tokhlǒ kû̌ Sadukè̌phû̌ tokhlǒ ata̤bû
(Makǔ 8:14-21)
5Bǎ asî hǎhtò̌cû̌bò̌ hto shikoǒdû̌ akhanu, akhôphijǎ tokhlǒ shôpe̤ phî̌cû̌ mû̌. 6Běcǎ Yeshǔ hî̌ asî kû̌, “Sè̌rè̌ lô̌khô Pharishè̌phû̌ tokhlǒ kû̌ Sadukè̌phû̌ tokhlǒ ta̤bûnu nî̌꤮.” a 7Dě asî hî̌bǎǐ tûû̌ kè̌khî lû̌û kû̌ Yeshǔ hî̌ yô̤̌sǎnu tôpwa̤ kû̌ tôpwa̤ dě a hî̌ lô̌khô pô̤̌o, “Běcǎ hî̌ pa pô̤̌o numî̌ pa shôpe̤ phî̌cû̌nṳ̌ bǎ lû̌û mû̌nu hǒ.” 8Běcǎ Yeshǔ sî̌ganǎ̤ kû̌ asî hî̌bǎǐ lû̌û kû̌ mû̌ awe̤akè akhû̌akhî, a gwè̌ asî kû̌, “Kòyò ta̤yṳ̌ pî̌tî̌ sî꤮, ma̤titèdě sî cû̌hî̌ tûû̌ kè̌khî lû̌û kû̌ sî shôpe̤ phî̌cû̌nṳ̌ mû̌ awe̤akè hî̌tè? 9Tǒ̤lò̤khònò̤dě sî sî̌yaphlô bǎ gû̌ kòyò khôtô̤̌ ya? Bǎ he dǐǎ mû̌ yè̤̌phlǒ kû̌ kòyò yè̤̌rî̌ akhanu, sî phî̌ plǒ gesô̌ a kashǎ ô̌kè nutokhlǒdě a ô̌ bephû̌běya numî̌ sî shôpe̤nǎ kèhǒ ya? b 10Mè̤̌tô̤̌dě bǎ he dǐǎ kòyò lǐ̤rǐ kû̌ mû̌ susô̌tôphlǒ akhanu, sî phî̌ plǒ gesô̌ a kashǎ ô̌kè nutokhlǒdě a ô̌ bephû̌běya numî̌ sî shôpe̤ hǒ ya? c 11He hî̌ mû̌ awe̤akè mè̤̌tô̤̌ numî̌ sî tô sî̌ganǎ̤ gû̌ kòyò hǒ. He hî̌ sî, sè̌rè̌ lô̌khô Pharishè̌phû̌ tokhlǒ kû̌ Sadukè̌phû̌ tokhlǒ ta̤bûnu nî̌꤮.” 12Bǎnukha akhôphijǎ tokhlǒ sî̌yaphlôhè kû̌ Běcǎ Yeshǔ nosè̌rè̌ asî kû̌ ta̤bû dǒ kòyò ma̤ kôphô̌htò̌ a kû̌ mû̌nu mè̤̌tô̤̌. A nosè̌rè̌ asî kû̌ Pharishè̌phû̌ tokhlǒ kû̌ Sadukè̌phû̌ tokhlǒ a ta̤sû̌ǐtòwòǐ tokhlǒ nupwǎ.
Copyright information for
KxfSCKXF