Matthew 26:20-25
20Bǎ lṳmṳ̌khǐpô̤lô̤̌ akhanu, Běcǎ kû̌ akhôphijǎ shǐsò̌ginǐ̤ hǎnòò̌ te̤we̤ wô̤̌wô̤̌ lû̌û dǒ lǎ̤ǎdîwǎ̤ akòshî̌. 21Dě bǎ asî ǎdî akhanu, a hî̌ asî kû̌, “He hî̌cǒcǒ꤮ sî, dǒ sîklanu, kòyò dǒ a gǔ shaǎlò̤kè he pěnu a ô̌ tôpwa̤.” 22Hǒtaplǎdě asî sǎphlǒ mô̤pe tîkî̌꤮ tô̤̌, dě a gwè̌ lô̌khô Běcǎ tôpwa̤ hto tôpwa̤ kû̌, “Běcǎ, na hî̌nu tôpwa̤mî̌ he mè̤̌tô̤̌ yahî̌?” 23Běcǎ hî̌shěshu asî kû̌, “Kòyò dǒ a bǒnṳ̌ǎ kû̌ he dǒ balěkû nutôpwa̤ mî̌ amè̤̌ pwa̤ dǒ a gǔ shaǎlò̤kè he pě nutôpwa̤ hǒ. a 24Pô̤̌ lî̤plò̌shǐkû hî̌nǎ kû̌ Kòyòphû̌khû mî̌ he a bǎ si pě bǎbǎkǎlè kòyò dǒ a gǔ shaǎlò̤kè Kòyòphû̌khû nutôpwa̤ nî̌, Cǒmara gǔ cî̌htò̌ yǎ pě. A kè̌ ô̌phijǎlò̤ tô̤̌ numî̌ awô̌khlo pe dǒ aya.” 25Hǒtaplǎdě Khûyǔda dǒ a gǔ shaǎlò̤kè lû̌û hǒtôpwa̤ gwè̌ lû̌û kû̌, “Sara, na hî̌nu tôpwa̤mî̌ he mè̤̌tô̤̌, yahî̌?” Běcǎ hî̌shěshu lû̌û kû̌, “tô̤̌, na mè̤̌hǒ.”
Copyright information for
KxfSCKXF