Psa 60:5-12 | KxfSCKXF | STEP | Kòyò dǒ na mô̤nṳ̌ nutokhlǒ gǔ hǎplǎ ayanu, ma̤hǎplǎge pa kû̌ nacǔde dǒ ata̤sîrîpô̤phǎshû̌sho. Ganǎ̤de mò̌ pa ta̤kwicaba.

Psalms 60:5-12

5 Kòyò dǒ na mô̤nṳ̌ nutokhlǒ gǔ hǎplǎ ayanu, ma̤hǎplǎge pa kû̌ nacǔde dǒ ata̤sîrîpô̤phǎshû̌sho.

Ganǎ̤de mò̌ pa ta̤kwicaba. ^a

6 Cǒmaradû̌ ô̌ dǒ agûlǎ̤ plò̌shǐ, a hî̌bǎlò̤ kû̌, “He yî̤̌kǒ sǎlě̤sǎlò̤ bèpè̤̌kè Wî̤̌shake pě.

“He bèpè̤̌kè pô̤̌ Sǔkû̌ gǎlǒ̤te̤kû.

7 “Kǐlè̌gǎ mî̌ heta. Manǎshigǎ mî̌ he tata.

“Ebarěgǎ mî̌ he khû̌glû̌tě̤htò̌.

“Yǔdagǎ mî̌ he nò̌htô̌ dǒ a dǔlṳ̌ he sîrîshû̌sho.

8 “Mò̤bǎgǎ mî̌ he lǎ̤cǔbò shibǎjôwô̤dû̌ kûyô̤̌.

“He no htû Ědûgǎ kû̌ he pwa̤ma̤ta̤phû̌.

“He ma̤pè̤̌ Phǐlǐsatǐgǎ hǒ akhû̌akhî, he gǔ yî̤̌kǒhtò̌ ta̤ma̤pè̤̌,” Cǒmara hî̌ pô̤̌nu.

9 Mò̌pè glè̌ cû̌sû he dǒ wî̤̌dû̌wî̤̌htû akû?

Mò̌pè glè̌ cû̌sû he dǒ Ědûgǎkû?

10 Ǒ꤮ Cǒmaradû̌, na wîkè bò pa pě ya?

Ǒ꤮ Cǒmaradû̌, na htò̌shěpě̤ pe ta̤ kû̌ pakliphû̌ tokhlǒ tô̤̌ ya?

11 Kòyò hǎkhû̌phû̌ ata̤ma̤jè̌nu a bwǐsîrî ô̌ nô̌ tôcǒ tô̤̌.

Shěpě̤jè̌ padô̌ pa khuwè̤ nutokhlǒ ya.

12 Dǒ Cǒmaradû̌ ô̌ dǒ pa tôkhô akhû̌akhî, pa gǔ ma̤pè̤̌ ta̤.

A ma̤pè̤̌ bòkè pa khuwè̤ nutokhlǒ pě.