Psa 11 | KxfSCKXF | STEP | Khwǐdawi̤ ata̤sǎwǐ htû̌sò̌htò̌. Ta̤sǎwǐ numî̌ pwa̤sǎwǐ ta̤ tokhlǒ aikǒlǒkò dǒ ta̤lṳhtò̌hôkû nutôpwa̤ aya. He ô̌tûdû henǎ̤ kû̌ Cǒmara tûjû̌pwa̤. Na cû̌ hî̌ he kû̌, “Wi̤cû̌ ô̌ tûdûkè dǒ shǒkla sô̌sô̌kû̌ htû̌patǐnu,” hî̌tè?

Psalms 11

1 He ô̌tûdû henǎ̤ kû̌ Cǒmara tûjû̌pwa̤.

Na cû̌ hî̌ he kû̌, “Wi̤cû̌ ô̌ tûdûkè dǒ shǒkla sô̌sô̌kû̌ htû̌patǐnu,” hî̌tè?

2 Kè̌mò̌, kòyòphû̌mò̤̌ wṳ̂htò̌ǐ nǎ akhlǐ.

A bè̌htò̌ǐ nǎ aplǎ̤.

Asî ihtǒô̌ lô̌khô dǒ akhǐkla, a mṳ̂cû̌ kû̌ kòyòcǒkòyòtè̤.

3 Bǎ kòyòphû̌mò̤̌ ma̤pî̌kè kòyòhǎkhû̌phû̌ lǎ̤klô ta̤sû̌ta̤tòwò akhanu, kòyòcǒkòyòtè̤ ma̤jò tôcǒ꤮ tô̤̌.

4 Cǒmara tûjû̌pwa̤ ô̌ dǒ ata̤lṳhtò̌hô plò̌shǐkû.

A ô̌ dǒ mǒkhû̌ dě a pǒǐ ta̤. ^a

Kòyòwô̌ bǎbǎ, kòyò sǎphlǒ phû̌mò̤̌ bǎbǎ, Cǒmara ma̤kè̌kè̌bò asî ta̤phî̌ta̤ma̤. ^b

5 Cǒmara tûjû̌pwa̤ ma̤kè̌kè̌ kòyò sò̌phlǒwô̌. ^c

A sǎkhě mî̌ca kòyòphû̌mò̤̌ kû̌ kòyò pè̤ǎpè̤ô kò nutokhlǒ.

6 A gu nojulò̤ mî̌ko gè̌lî̤pi̤sǐ kû̌ mî̌gè̌ yabò hǒo tokhlǒ dě kòyòphû̌mò̤̌ nutokhlǒ alô̤. ^d

Htokhôtô̤̌ a gǔ plè pô̤̌ asî dě a plûhè gili̤sǎ gûshětîklî̌ sô̌sô̌kèkû̌ mî̌ pwǐ atô kû̌ asî. ^e

7 Cǒmara tûjû̌pwa̤ mî̌ acǒatè̤, a mô̤ǐ ta̤cǒta̤tè̤.

Kòyòcǒkòyòtè̤ kè̌shǐ bǎ amǐ̤sǎ pě.