Psa 125 | KxfSCKXF | STEP | Bǎ kòyò tokhlǒ ihtǒ lô̌khô dě Wî̤̌yarǔshôle ta̤lṳhtò̌hôkû akhanu, a sǎwǐ lô̌khô ta̤sǎwǐ nutôshǒ. Kòyò dǒ a nǎla̤ǐ tǒ̤꤮ Cǒmara tûjû̌pwa̤ mî̌ asô̌sô̌kû̌ Sǐû khôlô. A guyṳ̌ nô̌ tôkhò̌꤮ tô̤̌, a ô̌měô̌gle tûjû̌pwa̤.

Psalms 125

1 Kòyò dǒ a nǎla̤ǐ tǒ̤꤮ Cǒmara tûjû̌pwa̤ mî̌ asô̌sô̌kû̌ Sǐû khôlô.

A guyṳ̌ nô̌ tôkhò̌꤮ tô̤̌, a ô̌měô̌gle tûjû̌pwa̤.

2 Pô̤̌ khôlô sîtokhlǒ ô̌tewe̤bò Wî̤̌yarǔshôlenu, Cǒmara tûjû̌pwa̤ ô̌pǒ̤ te̤we̤bò a kòyò tokhlǒ sahtò̌ khònò̤̌ hènè tûjû̌pwa̤ talakhǎ.

3 Kòyòkhu phû̌mò̤̌ tokhlǒ pǒ sělě jò nô̌ kòyòcǒkòyòtè̤ ashiagǎ tô̤̌.

Asî kè̌ pǒǐ mî̌, kòyòcǒtè̤ sanǎ̤ ma̤bò lô̌khô ta̤phû̌mò̤̌shǐhtô pě.

4 Ǒ꤮ Cǒmara tûjû̌pwa̤, ma̤bwǐma̤sîsî ma̤mô̤ma̤wô̌ kòyò dǒ awô̌ kû̌ asǎphlǒ cǒtè̤nu.

5 Kòyò cû̌ dǒ klè̌sǔklè̌tò̤̌ akû tokhlǒ khû̌dayadě, Cǒmara tûjû̌pwa̤ wṳ̂̌hǎhtò̌ bò asî kû̌ pwa̤ma̤ ta̤phû̌mò̤̌shǐhtô pě.

Sî Isôrě̤laphû̌ nǐ̤bǎ pû ta̤ô̌mô̤ô̌phi nî̌꤮.