Psa 128 | KxfSCKXF | STEP | Bǎ kòyò tokhlǒ gehtò̌ lô̌khô dǒ ta̤lṳhtò̌hôkû akhanu, a sǎwǐ lô̌khô ta̤sǎwǐ nutôshǒ. Lǒ̤꤮ bò kòyò dǒ a ǐsha bè̌dubè̌nǎ̤ Cǒmara tûjû̌pwa̤ dě a gû̌ kû̌ pô̤̌ Cǒmara aklè̌aklò tokhlǒ numî̌ a nǐ̤bǎ ta̤ǐshôwî̤.

Psalms 128

1 Lǒ̤꤮ bò kòyò dǒ a ǐsha bè̌dubè̌nǎ̤ Cǒmara tûjû̌pwa̤ dě a gû̌ kû̌ pô̤̌ Cǒmara aklè̌aklò tokhlǒ numî̌ a nǐ̤bǎ ta̤ǐshôwî̤.

2 Naǎnawè̤ dě na ǎnô̌ asǎaphô.

Na sǎlě̤sǎlò̤ ǎbǎôbǎ pě.

3 Na ma phû̌ô̌plṳ̂ô̌wô̤̌ asô̌sô̌kû̌ sîpî̌mṳ̌ sǎshò̌.

Naphû̌mǒ̤phû̌khû glè̌ ô̌tewe̤bò kû̌ nalǎ̤ǎdî gògǒ asô̌sô̌kû̌ òlǐbamṳ̌ dô̌jǎhtò̌ dû̌wî̤nu.

4 Kòyò dǒ a ǐsha bè̌dubè̌nǎ̤ Cǒmara tûjû̌pwa̤nu a nǐ̤bǎ mè̤̌caca ta̤ǐshôwî̤ pô̤̌nu.

5 Cǒmara tûjû̌pwa̤ ô̌ dǒ Sǐû khôlô ^{▼▼Sǐû mî̌ ta̤lṳhtò̌ta̤hô ami̤ tô̤̌mî̌ Wî̤̌yarǔshôle hǒ.} Dě a ǐshowî̤ pû na nî̌꤮.

Na kè̌shǐ Wî̤̌yarǔshôle ata̤wî̤ta̤wô̌ tûjû̌pwa̤ pe nî̌꤮.

6 Na kè̌shǐ pô̤̌ pû nali̤ pě nî̌.

Ta̤ô̌mô̤ô̌phi ô̌ pû kû̌ Isôrě̤laphû̌ pě nî̌꤮.