Psa 129 | KxfSCKXF | STEP | Bǎ kòyò tokhlǒ ihtǒ lô̌khô dě Wî̤̌yarǔshôle ta̤lṳhtò̌hôkû akhanu, a sǎwǐ lô̌khô ta̤sǎwǐ nutôshǒ. Sahtò̌ dǒ he phijǎ pe akhanu, pwa̤sǎkhě he tokhlǒ ma̤jî̌ma̤jû̌ salala he. No hî̌ gesô̌mò̌ Isôrě̤laphû̌ tokhlǒ khònò̤̌.

Psalms 129

Ta̤kwicaba dǒ Cǒmara shěpè̤̌kè bǎ pwa̤sǎkhě Isôrě̤laphû̌

Bǎ kòyò tokhlǒ ihtǒ lô̌khô dě Wî̤̌yarǔshôle ta̤lṳhtò̌hôkû akhanu, a sǎwǐ lô̌khô ta̤sǎwǐ nutôshǒ.

1 Sahtò̌ dǒ he phijǎ pe akhanu, pwa̤sǎkhě he tokhlǒ ma̤jî̌ma̤jû̌ salala he.

No hî̌ gesô̌mò̌ Isôrě̤laphû̌ tokhlǒ khònò̤̌.

2 Sahtò̌ dǒ he phijǎ pe akhanu, pwa̤sǎkhě he tokhlǒ ma̤jî̌ma̤jû̌ salala he.

Asî ma̤pè̤̌ nô̌ he tôkhò̌꤮ tô̤̌.

3 Pwa̤sǎkhě he tokhlǒ po̤jî̌po̤htò bò wǎ̤tě̤khû̌ agûlǎ̤nu asô̌sô̌kû̌ pwa̤htělè̤̌ aklô ô̌kènu.

4 Cǒmara tûjû̌pwa̤ mî̌ acǒatè̤.

Sǒpli̤ dǒ kòyòkhu phû̌mò̤̌ tokhlǒ comě henu, Cǒmara ma̤tṳ̌kèbò bǎ he hǒ.

5 Lǒ̤꤮ bò kòyò dǒ a sǎphlǒdû̌ Wî̤̌sǐû tokhlǒnu, a lò̤jû̌, htû̌tiwǐ ge shòwò̤̌ kèbò pû nî̌꤮.

6 Asî lǒ̤bò sô̌kè pû kû̌ mi̤mṳ̌ dô̌htò̌ dǒ hǐgukhû̌ nî̌꤮.

Bǎ a dû̌htò̌pwǎ̤htò̌ khô tô̤̌ akhanu, a nôkhwekè lǒ̤bò pě.

7 Kǎ dě abe tṳ tô̤̌tô̤̌, gî̌ dě abe tṳ̂̌ tô̤̌tô̤̌.

8 Kòyò dǒ a cû̌ wô̤̌wô̤̌ klè̌ bǎnu tokhlǒ, “Cǒmara tûjû̌pwa̤ ǐshôwî̤ sî, pa ǐshôwî̤ sî kû̌ Cǒmara tûjû̌pwa̤ ami̤,” no hî̌ tǎ̤ asî pwa̤sǎkhě he tokhlǒ pô̤̌nu tǎ̤mǎ̤ nî̌꤮.