Psa 13 | KxfSCKXF | STEP | Khwǐdawi̤ ata̤sǎwǐ htû̌sû̌htò̌. Ta̤sǎwǐ mî̌ pwa̤sǎwǐ ta̤ tokhlǒ aikǒ dǒ ta̤lṳhtò̌hôkû nutôpwa̤ aya. Ǒ Cǒmara tûjû̌pwa̤, na glè̌ shôpe̤ yî̤ he pwî̌tè? Tûjû̌pwa̤ pěya? Na glè̌ htû̌tiwǐ yî̤kè he pwǐtè?

Psalms 13

1 Ǒ Cǒmara tûjû̌pwa̤, na glè̌ shôpe̤ yî̤ he pwî̌tè? Tûjû̌pwa̤ pěya?

Na glè̌ htû̌tiwǐ yî̤kè he pwǐtè? ^a

2 He bǎ khòjî̌khòjû̌ gènè̤ gû̌gè̌yî̤ pe pwǐtè?

Pṳ̂̌ni̤pṳ̂̌sa꤮ he bǎ sǎpla̤nǎbǎ, he bǎ khòbǎ yî̤ pe pwî̌꤮ tè?

Pwa̤khû̌khwè he tokhlǒ ma̤pè̤̌ yî̤ pô̤̌ he pwǐ꤮ tè?

3 Ǒ꤮ he Cǒmara tûjû̌pwa̤, he Běcǎdû̌, htû̌tiwǐkè̌tô he, ganǎ̤de he ta̤kwigwèbǎǐ na hǒo.

Ǐshohtò̌shû̌htò̌ ge sô̌ hekhû̌heǎ, tô̤̌mî̌ he si hǒ.

4 Na kè̌ ma̤ bǎ hetô̤̌ hî̌mî̌, pwa̤khû̌khwè he tokhlǒ gǔ hî̌ kû̌, “Pa pè̤̌ a hǒ” hǐnu pě.

Bǎ he gònò̤̌gèglè akha asî sǎle̤sǎlò̤ mî̌ca pě.

5 He yṳ̌ǎnǎla̤ǐ mî̌ca na ta̤mô̤ǐ dǒ ahǎbòjò tô̤̌.

Na ma̤hǎplǎge he akhû̌akhî, he sǎlě̤sǎlò̤ mî̌ca.

6 Cǒmara tûjû̌pwa̤ wô̌ mî̌ca dǒ heya akhû̌akhî, he gǔ sǎwǐhtû̌sò̌htò̌ Cǒmara tûjû̌pwa̤.