Psa 132 | KxfSCKXF | STEP | Bǎ kòyò tokhlǒ gehtǒ lô̌khô dǒ Wî̤̌yarǔshôle ta̤lṳhtò̌hôkû akhanu, a sǎwǐ lô̌khô ta̤sǎwǐ nutôshǒ. Ǒ Cǒmara tûjû̌pwa̤, shôpe̤shônǎ tǎ̤ khwǐdawi̤ kû̌ lǒ̤꤮ bò ata̤khòjî̌khòjû̌ tokhlǒ tǎ̤mǎ̤ nî̌꤮.

Psalms 132

Ta̤htû̌sò̌htò̌ dǒ ta̤lṳhtò̌hô aya

Bǎ kòyò tokhlǒ gehtǒ lô̌khô dǒ Wî̤̌yarǔshôle ta̤lṳhtò̌hôkû akhanu, a sǎwǐ lô̌khô ta̤sǎwǐ nutôshǒ.

1 Ǒ Cǒmara tûjû̌pwa̤, shôpe̤shônǎ tǎ̤ khwǐdawi̤ kû̌ lǒ̤꤮ bò ata̤khòjî̌khòjû̌ tokhlǒ tǎ̤mǎ̤ nî̌꤮.

2 A wṳ̂̌dò ayô̤̌ kû̌ Cǒmara tûjû̌pwa̤, a olò̤ kû̌ Phayakò a Cǒmaradû̌ dǒ apô̤aphǎ nuhǒ.

3 – 4 – 5 “He kè̌ kè̌shǐ Cǒmara tûjû̌pwa̤ ahǐ khôtô̤̌, htodě he kè̌ shǒǐ bǎ hǐ Phayakò a Cǒmaradû̌ dǒ apô̤aphǎ nutôpwa̤ ahǐ khôtô̤̌ mî̌, he genṳ̌ pe nô̌ dǒ hehǐdǒkû tô̤̌.

“He cû̌hǎmôô̌ pe dǒ he lǎ̤môô̌khû̌ tô̤̌, he hǎmôô̌nò pe tô̤̌tô̤̌.”

6 Ǒ Cǒmara tûjû̌pwa̤, pa ganǎ̤de ta̤olò̤ atǒplò̌shǐ awe̤akè dǒ Wî̤̌ěphratakû. ^a

Pa kè̌shǐ tǒplò̌shǐ nutômè bǎ Wî̤̌jari hǔklakhû̌.

7 Pa cû̌ wô̤̌wô̤̌ lû̌û dǒ Cǒmara tûjû̌pwa̤ ahǐ tǎ.

Pa cû̌ cabahtò̌ a dǒ agògǒhtò̌yô̤̌lǒ ^{▼▼Cǒmara tûjû̌pwa̤ agògǒhtò̌yô̤̌lǒ numî̌ amè̤̌kû̌ tǒplò̌shǐ.} alô̤mô̤̌ tǎ.

8 Ǒ Cǒmara tûjû̌pwa̤, ma̤mò̌, hè dǒ nalǎ̤ô̌ agûlǎ̤.

Hètǒ̤ kû̌ nata̤olò̤ tǒplò̌shǐ dǒ a ta̤suwi̤sòwò̤. ^c

9 Napwa̤lṳhtò̌ta̤ tokhlǒ gǔ ma̤ tûû̌ ta̤cǒta̤tè̤ nî̌.

Nakòyò dǒ a cǒtè̤kû̌yô̤̌ tokhlǒ gǔ sǎlě̤sǎlò̤ sǎwǐhtò̌ lô̌khô tûû̌ nî̌.

10 Pô̤̌ na olò̤ htohǒ napwa̤ma̤ta̤phû̌ khwǐDawi̤ nudě wîkè kèta̤ khwǐ dǒ na rû̌htò̌hto hǒtôpwa̤ tǎ̤mǎ̤.

11 Cǒmara tûjû̌pwa̤ bô̌lò̤ hǒ ayô̤̌ kû̌ khwǐDawi̤.

A glè̌ ma̤pî̌ gesô̌ penǒ tôkhò̌ tô̤̌.

A hî̌ kû̌, “He no htûhtò̌ nakhlinalè tôpwa̤pwa̤ kû̌ khwǐ dě a gǔ htò̌ pǒnǐ̤ tûû̌ nagûlǎ̤. ^d

12 “Naphû̌pwa̤khû tokhlǒ kè̌ cǒtè̤ kû̌ heta̤olò̤, heta̤mǎlò̤ dǒ he sû̌ǐlò̤ asî numî̌, asî aphû̌pwa̤khû lò̤tutṳ̌ tokhlǒ gǔ htò̌ hǎnòò̌ nǒ pô̤̌ dǒ nagûlǎ̤ tûjû̌pwa̤.”

13 Cǒmara tûjû̌pwa̤ sǎyṳ ma̤htò̌ǐ ahǐ bǎ Wî̤̌sǐû ^{▼▼Wî̤̌sǐû mî̌ Wî̤̌yarǔshôle dǒ ta̤lṳhtò̌hô ô̌ǐ agûlǎ̤.} akû nuakhû̌akhî, a rû̌htò̌ htohǒ wî̤̌nutôwî̌.

14 A hî̌ kû̌, “hǒomî̌ he lǎ̤ô̌ agûlǎ̤ tûjû̌pwa̤.

“He sǎyṳ gûlǎ̤ hǒtôkû akhû̌akhî, he gǔ ô̌ bǎo.

15 “He gǔ ǐshowî̤ wî̤̌ nutôwî̤̌ dě a gǔ ǎbǎô̌bǎ.

“He gǔ dǐǎkǒôbe kòyòhǎwě̤shèwè̤ ô̌ bǎ wî̤̌kû nutokhlǒ.

16 “He gǔ tugutakaǐ apwa̤lṳhtò̌ta̤.

“A kòyò dǒ acǒtè̤ kû̌ ayô̤̌ tokhlǒ gǔ sǎlě̤sǎlò̤ sǎwǐsǎshô̌.

17 “He gǔ no htûhtò̌ khwǐdû̌ dǒ khwǐDawi̤ akhlialè akla tôpwa̤ pě.

“He gǔ tiwǐtòwò bǎ khwǐ dǒ he rû̌htò̌ lû̌ nutôpwa̤ nolîhtò̌yǎ sô̌sô̌kû̌ mî̌ko.” ^f

18 A hî̌bǎhtò̌ kû̌, “He gǔ ma̤sòwò̤kè pwa̤sǎkhě a tokhlǒ.

“Ashiagǎ dě a gǔ sîrîshû̌sîrîsho lîkakha asô̌sô̌kû̌ khû̌glohtanu.” pô̤̌nu.