Psalms 136

Ta̤htûsò̌htò̌ǐ Cǒmara ata̤mô̤ dǒ ahǎbòjò tô̤̌

1Cǒmara tûjû̌pwa̤ wô̌ mî̌ca, hî̌bwǐhî̌sîrîhtò̌ lô̌khô lû̌û.

Ata̤mô̤ dǒ ahǎbòjò tô̤̌nu, a ô̌měô̌gle tûjû̌pwa̤. ^a

2Hî̌bwǐhî̌sîrîhtò̌ Cǒmaradû̌ dǒ asîrîpô̤phǎ lǒkhlo kû̌ Cǒmara dǒ ashǐshawa̤ tokhlǒ.

Ata̤mô̤ dǒ ahǎbòjò tô̤̌nu, a ô̌měô̌gle tûjû̌pwa̤.

3Hî̌bwǐhî̌sîrîhtò̌ Běcǎdû̌ dǒ asîrîdû̌sîrîhtû lǒkhlo kû̌ Běcǎ dǒ ashǐshawa̤ tokhlǒ.

Ata̤mô̤ dǒ ahǎbòjò tô̤̌nu, a ô̌měô̌gle tûjû̌pwa̤.

4Pwa̤ dǒ a ma̤jò ta̤cô̌klî̌cô̌sè numî̌ tǒ̤ Cǒmara pwǎ.

Ata̤mô̤ dǒ ahǎbòjò tô̤̌nu, a ô̌měô̌gle tûjû̌pwa̤.

5Cǒmara mî̌ pwa̤ dǒ a bô̌lò̤ mǒkhû̌ kû̌ ata̤sî̌yaphlôphǎ.

Ata̤mô̤ dǒ ahǎbòjò tô̤̌nu, a ô̌měô̌gle tûjû̌pwa̤. ^b

6A mî̌ pwa̤ dǒ a dalò̤ hǎkhû̌ dǒ shidû̌tawe̤kû. ^c

Ata̤mô̤ dǒ ahǎbòjò tô̤̌nu, a ô̌měô̌gle tûjû̌pwa̤.

7A mî̌ pwa̤ dǒ a bô̌lò̤ lṳmṳ̌, la kû̌ shǎ. ^d

Ata̤mô̤ dǒ ahǎbòjò tô̤̌nu, a ô̌měô̌gle tûjû̌pwa̤.

8A mî̌ pwa̤ dǒ a no pǒǐ lṳmṳ̌ kû̌ lṳmṳ̌sha.

Ata̤mô̤ dǒ ahǎbòjò tô̤̌nu, a ô̌měô̌gle tûjû̌pwa̤.

9A mî̌ pwa̤ dǒ a no pǒǐ la, shǎ kû̌ lṳmṳ̌khǐ.

Ata̤mô̤ dǒ ahǎbòjò tô̤̌nu, a ô̌měô̌gle tûjû̌pwa̤.

10Cǒmara mî̌ pwa̤ dǒ a ma̤si kèbò Ijǐgǎ phû̌wè̤̌pwǎ̤ tokhlǒ. ^e

Ata̤mô̤ dǒ ahǎbòjò tô̤̌nu, a ô̌měô̌gle tûjû̌pwa̤.

11A mî̌ pwa̤ dǒ a kaǎge Isôrě̤lakhlilèphû̌ tokhlǒ dǒ Ijǐgǎ. ^f

Ata̤mô̤ dǒ ahǎbòjò tô̤̌nu, a ô̌měô̌gle tûjû̌pwa̤.

12A mî̌ pwa̤ dǒ a kaǎhtò̌ asî kû̌ acǔde dǒ asîrîshû̌sho, acǔgô̌ dǒ asîrîpô̤phǎ.

Ata̤mô̤ dǒ ahǎbòjò tô̤̌nu, a ô̌měô̌gle tûjû̌pwa̤.

13A mî̌ pwa̤ dǒ a ma̤phò̌ shidû̌shitewe̤li̤ ginǐ̤khô. ^g

Ata̤mô̤ dǒ ahǎbòjò tô̤̌nu, a ô̌měô̌gle tûjû̌pwa̤.

14A mî̌ pwa̤ dǒ a no jûlò̤phlǔ Isôrě̤lakhlilè tokhlǒ dǒ shidû̌shitewe̤li̤ aklǎmakû. ^h

Ata̤mô̤ dǒ ahǎbòjò tô̤̌nu, a ô̌měô̌gle tûjû̌pwa̤.

15A mî̌ pwa̤ dǒ a ma̤lò̤cǔsi kèbò Ijî̌gǎkhwǐ kû̌ akliphû̌ tokhlǒ dǒ shidû̌shitewe̤li̤kû. ⁱ

Ata̤mô̤ dǒ ahǎbòjò tô̤̌nu, a ô̌měô̌gle tûjû̌pwa̤.

16A mî̌ pwa̤ dǒ a sûcû̌tûlûbò̌kè a kòyò tokhlǒ kû̌ gǎshashigǎkhû̌.

Ata̤mô̤ dǒ ahǎbòjò tô̤̌nu, a ô̌měô̌gle tûjû̌pwa̤.

17Cǒmara mî̌ pwa̤ dǒ a ma̤pè̤̌kè khwǐ dǒ a ta̤suwi̤sòwò̤ tokhlǒ.

Ata̤mô̤ dǒ ahǎbòjò tô̤̌ nu, a ô̌měô̌gle tûjû̌pwa̤.

18A mî̌ pwa̤ dǒ a ma̤sikè khwǐ dǒ asîrîdû̌sîrîhtû tokhlǒ.

Ata̤mô̤ dǒ ahǎbòjò tô̤̌ nu, a ô̌měô̌gle tûjû̌pwa̤.

19A mî̌ pwa̤ dǒ a ma̤sikè Amò̤rǐkhlilèphû̌ khwi Khwǐsǐhû. ^j

Ata̤mô̤ dǒ ahǎbòjò tô̤̌nu, a ô̌měô̌gle tûjû̌pwa̤.

20A mî̌ pwa̤ dǒ a ma̤sikè Bashagǎkhwǐ Khwǐûbǎ.

Ata̤mô̤ dǒ ahǎbòjò tô̤̌nu, a ô̌měô̌gle tûjû̌pwa̤.

21A mî̌ pwa̤ dǒ a ǐ khwǐ nutokhlǒ ahǎkhû̌ kû̌ a kòyò tokhlǒ aya û̌cata̤bǐ.

Ata̤mô̤ dǒ ahǎbòjò tô̤̌nu, a ô̌měô̌gle tûjû̌pwa̤.

22Û̌cata̤bǐ hǒo, abè̌kè kû̌ apwa̤ma̤ta̤phû̌ Isôrě̤lakhlilèphû̌.

Ata̤mô̤ dǒ ahǎbòjò tô̤̌nu, a ô̌měô̌gle tûjû̌pwa̤.

23Bǎ pa khû̌shiǎjǎ jî̌le akhanu, Cǒmara shôpe̤ nô̌ pa tô̤̌.

Ata̤mô̤ dǒ ahǎbòjò tô̤̌nu, a ô̌měô̌gle tûjû̌pwa̤.

24A mî̌ pwa̤ dǒ a ma̤hǎplǎkè pa dǒ pwa̤sǎkhě pa tokhlǒ acǔdekû.

Ata̤mô̤ dǒ ahǎbòjò tô̤̌nu, a ô̌měô̌gle tûjû̌pwa̤.

25A mî̌ pwa̤ dǒ a ǐ ta̤bǎbô̌ dǒ ata̤htûpwa̤ ô̌ lǒ̤bò alǎ̤ǎlǎ̤ô aya.

Ata̤mô̤ dǒ ahǎbòjò tô̤̌nu, a ô̌měô̌gle tûjû̌pwa̤.

26Hî̌bwǐhî̌sîrîhtò̌ Cǒmaradû̌ dǒ a pǒǐ mǒkhû̌ nutôpwa̤.

Ata̤mô̤ dǒ ahǎbòjò tô̤̌nu, a ô̌měô̌gle tûjû̌pwa̤.