Psa 137 | KxfSCKXF | STEP | Bǎ pa hǎnòò̌ô̌ dǒ Babǔlûgǎ lô̤̌mǒ̤dû̌ tokhlǒ ahtukha nukha, pa nǎsǔbǎ Sǐû khôlô dě pahǎpawô.

Psalms 137

1 Bǎ pa hǎnòò̌ô̌ dǒ Babǔlûgǎ lô̤̌mǒ̤dû̌ tokhlǒ ahtukha nukha, pa nǎsǔbǎ Sǐû khôlô dě pahǎpawô.

2 Pa dǒmô̤htò̌ patǐtegwe tokhlǒ dǒ sǒmṳ̌lô̤.

3 Bǎnukha, Babulûphû̌ dǒ a pṳ̂̌cû̌kè pa nutokhlǒ no sǎwǐ pa lî̤ta̤hǎwô.

Pwa̤ dǒ a ma̤jî̌ma̤jû̌ pa nutokhlǒ no sǎwǐ pa ta̤sǎlě̤sǎlò̤ lî̤hǎwô.

Asî hî̌ kû̌, “Sǎwǐ bǎ pa lî̤hǎwô dǒ sî sǎwǐ bǎ Sǐû khôlô nutôshǒ.”

4 Pa cû̌ sǎwǐ jò Cǒmara tûjû̌pwa̤ ahǎawô dǒ gǎshǐshawa̤gǎkhlo hî̌tè?

5 Ǒ Wî̤̌yarǔshôle, he kè̌ shôpe̤ na hî̌mî̌, Cǒmara gǔ no dǒjò bǎtû̌ he tǐtutegwe tǎ̤mǎ̤ nî̌꤮.

6 He kè̌ shôpe̤kè Wî̤̌yarǔshôle, he kè̌ bè̌ Wî̤̌yarǔshôle kû̌ heta̤sǎlě̤ dǒ adû̌lǒkhlo tô̤̌mî̌, Cǒmara no sǎwǐjò̌ pedû̌ tǎ̤ he mǎ̤ nî̌.

7 Ǒ꤮ Cǒmara tûjû̌pwa̤, bǎ Babulûphû̌ tokhlǒ hè ma̤pî̌kè Wî̤̌yarǔshôle nutôni̤, Edûgǎphû̌ tokhlǒ ma̤ kwè̌ hětènu, to̤ǐ nî̌.

Asî kaǎgǔ hî̌ lô̌khô kû̌, “Ma̤tě̤pro kè a, ma̤tě̤pro kè a dǒ hǎkhû̌,” to̤ǐ pô̤̌ ayô̤̌sǎnu. ^a

8 Ǒ Babǔlûgǎ, kòyò gǔ ma̤pî̌kè na pe. ^b

Pô̤̌ na ma̤ hto panu, kòyò dǒ a ma̤ geshî̌shǔ na nutôpwa̤ a gǔ sǎlě̤sǎlò̤.

9 Kòyò dǒ a phî̌ naphû̌pî̌tî̌ tokhlǒ dě a plèsi lû̌ kû̌ lǒ̤ nutôpwa̤ a gǔ sǎlě̤sǎlò̤ pě.