Psa 138 | KxfSCKXF | STEP | Khwǐdawi̤ ata̤sǎwǐ htû̌sò̌htò̌ Ǒ Cǒmara tûjû̌pwa̤, he hî̌bwǐhî̌sîrîhtò̌ na kû̌ hesǎphlǒtômèbò. He sǎwǐ htû̌sò̌htò̌ na dǒ Cǒmara ashǔshawa̤ tokhlǒ alô̤mô̤̌.

Psalms 138

1 Ǒ Cǒmara tûjû̌pwa̤, he hî̌bwǐhî̌sîrîhtò̌ na kû̌ hesǎphlǒtômèbò. ^a

He sǎwǐ htû̌sò̌htò̌ na dǒ Cǒmara ashǔshawa̤ tokhlǒ alô̤mô̤̌. ^{▼▼lî̤plò̌shǐ tokhlǒkhlǒ mî̌ a wě̤ kû̌ mǒkhû̌tanaphû̌.}

2 Nami̤ kû̌ nata̤olò̤ tokhlǒ nuna bè̌htò̌yô̤̌ lǒkhlo kû̌ ta̤lǒ̤ bò akhû̌akhî, he gǔ dô̌gînîlò̤ tô dǒ nata̤lṳhtò̌hô aplò̌shǐ ô̌ nutôkhô.

Nata̤mô̤nu ahǎbòjò tô̤̌, nacǒtè̤ kû̌ nayô̤̌ akhû̌akhî, he gǔ htû̌sò̌htò̌ na.

3 Bǎ he kwihtò̌ na ta̤ma̤jè̌ akhanu, na ma̤jè̌ he.

Na ǐ he ta̤khuta̤he, ta̤khû̌ta̤ǎ.

4 Ǒ Cǒmara tûjû̌pwa̤, hǎkhû̌ akhwǐdû̌ lǒ̤bò ganǎ̤de nalě̤nayô̤̌ dǒ na hî̌bǎlò̤ nutokhlǒ akhû̌akhî, asî hî̌bwǐhî̌sîrîhtò̌ bòtû̌ na.

5 Cǒmara tûjû̌pwa̤ ata̤sîrîpô̤phǎ nuadû̌ayô̤̌ mî̌ca akhû̌akhî, asî gǔ sǎwǐhtò̌ lô̌khô ta̤ dǒ Cǒmara tûjû̌pwa̤ ma̤hto nutokhlǒ.

6 Cǒmara tûjû̌pwa̤ nuasîrîpô̤phǎ mî̌ca bǎbǎkǎlè a ô̌phǔ kè̌khwè̌ǐ kòyò dǒ a shò̌lò̤ asǎphlǒ.

A ô̌ dǒ ayî̤ dě a sî̌ganǎ̤ kòyò dǒ aphǐdû̌phǐhtò̌lǒ anǎ̤. ^c

7 Ta̤pò̤̌ta̤sha ô̌te̤we̤ bò kû̌ he bǎbǎkǎlè na ǐ ô̌htûpwa̤ pô̤̌ he.

Na yṳ̂̌hè nacǔde dě na takaǐ he dǒ pwa̤sǎkhě he tokhlǒ ata̤sǎphlǒdû̌ akû.

Na ma̤hǎplǎ he kû̌ nata̤sîrîpô̤phǎ.

8 Pô̤̌ Cǒmara tûjû̌pwa̤ olò̤ htohǒ nua gǔ ma̤lǒma̤be bǎ he pe.

Ǒ Cǒmara tûjû̌pwa̤, nata̤mô̤ dǒ ahǎbòjò tô̤̌nu a ô̌měô̌gle̤ cǒ tûjû̌pwa̤.

Wîkè tǎ̤ ta̤ma̤ dǒ na ma̤ kû̌ nacǔde nutokhlǒ mǎ̤.