Psa 140 | KxfSCKXF | STEP | Khwǐdawi̤ ata̤sǎwǐ htû̌sò̌htò̌. Ta̤sǎwǐ numî̌ pwa̤sǎwǐ ta̤tokhlǒ aikǒlǒkò dǒ ta̤lṳhtò̌hôkû nutôpwa̤ aya Ǒ Cǒmara tûjû̌pwa̤, ma̤hǎplǎkè he dǒ kòyòphû̌mò̤̌ tokhlǒ acǔdekû. Takaǐ he dǒ pwa̤ma̤jî̌ma̤jû̌ kòyò tokhlǒ acǔdekû.

Psalms 140

1 Ǒ Cǒmara tûjû̌pwa̤, ma̤hǎplǎkè he dǒ kòyòphû̌mò̤̌ tokhlǒ acǔdekû.

Takaǐ he dǒ pwa̤ma̤jî̌ma̤jû̌ kòyò tokhlǒ acǔdekû. ^a

2 Asî gènè̤ma̤ còcè̌꤮ ta̤phû̌mò̤̌shǐhtô.

Pṳ̂̌ni̤ni̤꤮ a ma̤htûhtò̌ còcè̌ ta̤shěta̤pě̤.

3 Asîplî̤ nu asô̌sô̌ kû̌ wṳ̂̌sa.

Asî ta̤hî̌bǎ tokhlǒnu awè̤̌ asô̌sô̌kû̌ wṳ̂̌sa pè̌ kòyò dě awè̤htò̌. ^b

4 Ǒ Cǒmara tûjû̌pwa̤, kòyò phû̌mò̤̌, pwa̤ma̤jî̌ma̤jû̌ kòyò tokhlǒ gǔma̤pò̤̌ma̤sha lô̌khô he akhû̌akhî, takabǐǐ he.

5 Kòyò bè̌dû̌bè̌htò̌yô̤̌ anǎ̤ tokhlǒ dò̌nǎhǔ he kû̌ sumṳ.

Asî dò̌nǎ bò sumṳ dǒ he lǎ̤cû̌ klè̌ nutôbô akû.

Asî dò̌nǎ cû̌sělě sumṳ dǒ klè̌lô̤. ^c

6 He hî̌ Cǒmara tûjû̌pwa̤ kû̌, “Na mî̌ he Cǒmara.”

Ǒ꤮ Cǒmara tûjû̌pwa̤, ganǎ̤de kû̌ he kwihtò̌ nata̤ma̤jè̌.

7 Ǒ꤮ Cǒmara tûjû̌pwa̤, he Běcǎdû̌, na mî̌ apô̤phǎshû̌sho dǒ pwa̤ma̤hǎplǎge he.

Na takaǐ he dǒ ta̤shěta̤pě̤ akû.

8 Ǒ꤮ Cǒmara tûjû̌pwa̤, jû ma̤tǎ̤ kòyòphû̌mò̤̌ nutokhlǒ pô̤̌ a sǎyṳma̤ nutǎ̤mǎ̤.

No htûhtò̌dû̌htò̌ tǎ̤ asî ata̤gènè̤nǎ nutokhlǒ tǎ̤mǎ̤, hî̌pě asî phǐdû̌phǐhtò̌yô̤̌bò anǎ̤ hè̌.

9 No ma̤pè̤̌kè tǎ̤ pwa̤sǎkhě he tokhlǒ mǎ̤.

Asî hî̌ gònògòglè ǐsha he tokhlǒnu no khòbǎ gesô̌ tû̌ asî.

10 No lò̤tě̤ tû̌ mî̌klû̌ gè̌wô̌ dǒ asîlô̤.

Kòyò gǔ wîtě̤nṳ̌ kè asî dǒ mî̌kû mè̤̌tô̤̌mî̌ dǒ hǎkûyô̤̌nunî̌.

No ihtǒbò̌ pe tǎ̤ asî mǎ̤.

11 Bǎ hǎkhû̌nu, no ǎbǎô̌bǎ tǎ̤ kòyò dǒ a hî̌jî̌hî̌jû̌ kòyò nutokhlǒ mǎ̤.

No ma̤pò̌ kè mò̌ pwa̤ma̤jî̌ma̤jû̌ kòyò nutokhlǒ kû̌ ta̤pî̌ta̤lṳ̂̌dû̌nu.

12 He sî̌ganǎ̤ kû̌ Cǒmara tûjû̌pwa̤ ma̤jè̌ kòyò dǒ kòyò ma̤jî̌ma̤jû̌ asî nutokhlǒ.

A ma̤tô̤ma̤bǎ bǎ kòyò dǒ a shôdô pwa̤ma̤jè̌ tokhlǒ.

13 Kòyòcǒkòyòtè̤ tokhlǒ gǔ htû̌sò̌htò̌ mè̤̌mî̌ca nami̤.

Asî gǔ ô̌htûpwa̤ dǒ nalô̤mô̤̌.