Psa 149 | KxfSCKXF | STEP | Htû̌sò̌htò̌ lô̌khô Cǒmara tûjû̌pwa̤. Sǎwǐhtò̌ Cǒmara tûjû̌pwa̤ kû̌ ta̤sǎwǐ asa. Htû̌sò̌htò̌ lû̌û dǒ pwa̤ cǒ kû̌ ayô̤̌ a kòyò saprṳ̂dû̌ akla.

Psalms 149

1 Htû̌sò̌htò̌ lô̌khô Cǒmara tûjû̌pwa̤.

Sǎwǐhtò̌ Cǒmara tûjû̌pwa̤ kû̌ ta̤sǎwǐ asa.

Htû̌sò̌htò̌ lû̌û dǒ pwa̤ cǒ kû̌ ayô̤̌ a kòyò saprṳ̂dû̌ akla.

2 Ǒ꤮ Isôrě̤laphû̌ sî, dǒ pwa̤bô̌lò̤ sî nutôpwa̤ akhû̌akhî, sǎlě̤sǎlò̤ lô̌khô.

Ǒ꤮ Wî̤̌sǐûphû̌ sî, dǒ sîkhwǐdû̌ akhû̌akhî, sǎlě̤sǎlò̤ lô̌khô.

3 Htû̌sò̌htò̌ lô̌khô ami̤ kû̌ ta̤kalî̌.

Plǎ̤ǐ cî̌ja, dǒǐ tǐtutegwe dě sǎwǐ htû̌sò̌htò̌ lô̌khô lû̌û.

4 Ma̤titèhî̌dě Cǒmara tûjû̌pwa̤ sǎlě̤sǎlò̤ ǐ kû̌ a kòyò dě a dǐma̤pè̤̌ kòyò dǒ a shò̌lò̤ asǎphlǒ nutokhlǒ.

5 A ǐ kòyò dǒ a cǒ kû̌ ayô̤̌ nutokhlǒ ta̤ma̤pè̤̌ akhû̌akhî, no sǎlě̤sǎlò̤ mò̌ asî.

Asî hǎmôô̌ dǒ lǎ̤dakhû̌ akha bǎbǎ, no sǎlě̤sǎlò̤ sǎwǐhtò̌ asî.

6 No htû̌sò̌htò̌ asî dě no pṳ̂̌měǐ nò̌shî dǒ asî cǔdekû. 7 Dě no ma̤lǐ̤ gesô̌, no cî̌htò̌ khlilèphû̌ tokhlǒ kû̌ asînu.

8 Asî glè̌ comě kòyò khlilèphû̌ akhwǐ, khlilèphû̌ ikǒdû̌ tokhlǒ kû̌ sǒpli̤tè̤glè pě.

9 Asî glè̌ cî̌htò̌ khlilèphû̌ tokhlǒ pô̤̌ Cǒmaradû̌ hî̌bǎlò̤ hto ayô̤̌nu hǒ.

Hǒomî̌ ta̤sîrîdû̌sîrîhtû tôcǒ dǒ lǒ̤꤮ bò Cǒmaradû̌ a kòyò dǒ acǒ kû̌ ayô̤̌ tokhlǒ ayahǒ.

Htû̌sò̌htò̌ lô̌khô Cǒmara tûjû̌pwa̤.