Psa 15 | KxfSCKXF | STEP | Khwǐdawi̤ ata̤sǎwǐ htû̌sò̌htò̌ Ǒ꤮ Cǒmara tûjû̌pwa̤, mò̌pè tôpwa̤ gǔ hènṳ̌ dǒ na ta̤lṳhtò̌hôkû pě? Mò̌pè tôpwa̤ glè̌ hècabahtò̌ na dě nakhôlôplò̌shǐ khôlô sǐûkhû̌ nupě?

Psalms 15

1 Ǒ꤮ Cǒmara tûjû̌pwa̤, mò̌pè tôpwa̤ gǔ hènṳ̌ dǒ na ta̤lṳhtò̌hôkû pě?

Mò̌pè tôpwa̤ glè̌ hècabahtò̌ na dě nakhôlôplò̌shǐ khôlô sǐûkhû̌ nupě?

2 Kòyò nutokhlǒ mî̌ kòyò dǒ kòyò bè̌ jò pe lû̌û ta̤sǔ tô̤̌,

A mî̌ ta̤cǒta̤tè̤,

A hî̌bǎcǒhî̌bǎtè̤ yô̤̌ pwǐ aô̌ dǒ lû̌û sǎphlǒkû. ^a

3 A dô̌ kòyô̤ tôkhò̌꤮ tô̤̌,

A ma̤sǔma̤plě kû̌ asû̌akhô tô̤̌,

A ǐshoǐbě ahǐphòkòshî̌ tô̤̌ nutokhlǒ hǒ. ^b

4 Kǎtô̤̌ kòyò dǒ a sǎyṳ kòyò sǎphlǒphû̌mò̤shî̌htô dě Cǒmaradû̌ wîkè asî nutokhlǒ,

Dě a bè̌dû̌bè̌htû kòyò dě a ǐsha dě bè̌dubè̌nǎ̤ Cǒmara tûjû̌pwa̤ nutokhlǒ, ^c

A wṳ̂̌dò hto ayô̤̌ dě a gǔ ma̤ tôcǒcǒ dě apò̤̌asha pwî̌tè꤮ bǎbǎ a ma̤ mî̌ca pô̤̌ a wṳ̂̌dò hto nutokhlǒ,

5 A nobǒ kû̌ kòyò aru kû̌ aphû̌ tô̤̌, ^d

Kòyòsǎphlǒkěshô̌ ma̤ǎ lû̌ ru dě ma̤shǔ kòyò ta̤sǔô̌tô̤̌ dě a phî̌shǔ kû̌ kòyò tô̤̌. ^e

Kòyò dǒ ama̤ pô̤̌nu tôpwa̤nu a ô̌měô̌gle tûjû̌꤮ pwa̤ pě. ^f