Psalms 16
Kwicaba dě lǎ̤yṳǎ Cǒmara aya
Khwǐdawi̤ ata̤sǎwǐ nutôshǒ mî̌ dǒ Hebrǔyô̤̌nu, a kaǎ lû̌û kû̌ mî̌katama ta̤sǎwǐ.
1Ǒ꤮ Cǒmaradû̌, he cû̌ô̌tûdû ǐ henǎ̤ kû̌ na akhû̌akhî, tugutakaǐ he. 2He hî̌ Cǒmara tûjû̌pwa̤ kû̌, “Na mî̌ he Běcǎdû̌, kè̌mè̤̌kû̌ natô̤̌ hî̌mî̌, he ta̤wô̌ ô̌ kû̌ kòyò tôcǒ꤮ tô̤̌.” 3Kòyò dǒ cǒtè̤ kû̌ Cǒmara ô̌htûpwa̤ dě hǎkhû̌ tokhlǒnu, asî mî̌ kòyò wô̌nuhǒ. He kè̌shǐ asî dě amô̤꤮ mè̤mè̤̌ mî̌ca sǎphlǒ. 4Kòyò dǒ a cabahtò̌khô̌ Cǒmara dǒ ashǔshawa̤ tokhlǒnu, ata̤sǎplǎ̤nǎ̤bǎ sǔ sǔ a dû̌htò̌. Bǎ asî lṳhtò̌ǐ Cǒmara dǒ ashǔshawa̤ tokhlǒ kû̌ ta̤phû̌ta̤li̤ asǐ akhanu, he lṳhtò̌ kû̌ kòtô̤̌. Lǎ̤hî̌htò̌ asî Cǒmara ami̤꤮ pwǎnu he hî̌htò̌ tô̤̌tô̤̌. a 5Ǒ꤮ Cǒmara tûjû̌pwa̤, he sǎmǒ tǒ̤꤮ na pwǎ, ta̤ǐshowî̤ lǒ̤꤮ bò mî̌ a hè dǒ naô̌. He ta̤ô̌htûpwa̤ dǒlô̤mô̤̌ tokhônu aô̌pwǎ dǒ cudekû. 6Na bè̌lò̤ ma̤dòǐkè pe he gǎkû numî̌ gǎ dǒ amô̤. He nǐ̤bǎ mî̌ca û̌cata̤bǐ dě a lǒbe kû̌ ta̤mô̤sû̌mô̤sò̌. 7He gǔ htû̌sò̌ǐ Cǒmara tûjû̌pwa̤ dě a yṳ̂̌klè̌yṳ̂̌klò ǐ he. Lṳmṳ̌khǐkha bǎbǎ, he tôcû̌ klè̌ bǎtè tôbônu hesò̌phlǒ ta̤gènè̤ sû̌ǐtòwòǐ he. 8He kè̌shǐ Cǒmara tûjû̌pwa̤ ô̌ dǒ he lô̤mô̤̌ pṳ̂̌꤮ taplǎ. A ô̌ dě hecǔtûmû tokhô akhû̌akhî, kò ma̤pò̤̌ma̤sha jò he tôcǒ꤮ tô̤̌. 9He sò̌phlǒmô̤ pṳ̂̌꤮ taplǎ, henǎ̤ tôpwa̤bò a sǎle̤sǎlò̤ bò. He nǎ̤glǒ bǎbǎ, he ô̌ dǒ ta̤tûdû akû. 10Na wîlò̤tě̤kè he ta̤htûpwa̤ dǒ lṳnǎnǎdo tô̤̌ dě he sǎlě̤sǎlò̤ mî̌ca. Na nosonoûkè na kòyòplò̌shǐ nutôpwa̤ dǒ lṳkû tô̤̌. b 11Na dǔlṳ̌ hto he klè̌ dě a sûcû̌ he dǒ ta̤htûpwa̤ nutôbô. Na ô̌kû̌ he akhû̌akhî, he sǎlě̤sǎlò̤. He ô̌ dǒ nacǔtûmû tôkhô akhû̌akhî, he sǎphlǒmô̤ tûjû̌꤮ pwa̤ pě. c
Copyright information for
KxfSCKXF