Psalms 21
Khwǐdǎwi̤ htû̌sò̌htò̌ǐ ta̤ma̤pè̤̌
Khwǐdawi̤ ata̤sǎwǐ, ta̤sǎwǐ numî̌ pwa̤sǎwǐ ta̤ tokhlǒ ikǒlǒkò dǒ ta̤lṳhtò̌hôkû nutôpwa̤ aya.
1Ǒ Cǒmara tûjû̌pwa̤, dǒ na ǐ khwǐdû̌ ta̤shû̌ta̤sho akhû̌akhî, a sǎlǎ̤sǎlò̤ mî̌ca. Na ma̤jè̌ lû̌û dě a ma̤pè̤̌kè khuwè̤ akhû̌akhî, a sǎlě̤sǎlò̤ mî̌ca. 2Na ma̤lǒbe bò asǎphlǒ ta̤sǎyṳsǎbǎ. Na la̤lò̤ kè ta̤kwisǎyṳ na tô̤̌. 3Na ǐ pû yǎ ta̤ǐshowî̤ dǒ awî̤awô̌. Na glû̌htò̌ bǎ yǎ khû̌glû̌hta dǒ kò ma̤ kû̌ hta acè̌. a 4A kwihtò̌ na ta̤htûpwa̤ nědû̌lahtû. Na ǐ yǎ lṳmṳ̌ni̤ lṳmṳ̌sa tûjû̌pwa̤ talakhǎ. 5Na ǐ yǎ ta̤ma̤pè̤̌ akhû̌akhî, kò bè̌dû̌bè̌htû ǐ mî̌ca lû̌û. Na ǐ yǎ ta̤siwi̤sòwò̤ dǒ alîakakha. 6Na ta̤ǐshowî̤ ô̌ kû̌ lû̌û tûjû̌pwa̤. Na ô̌kû̌ yǎ akhû̌akhî, a sǎlě̤sǎlò̤ mî̌ca. b 7Hǒomî̌ dǒ khwǐdû̌ yṳǎ Cǒmara tûjû̌pwa̤ akhû̌akhî hǒ. Cǒmara dǒ adû̌ahtûlǒ hǒtôpwa̤ mô̤ǐ yǎ kû̌ ta̤mô̤ǐ dǒ ahǎbòjò tô̤̌ akhû̌akhî, a hǎnòò̌ bǎ mî̌ca dǒ gògǒhtakhû̌. c 8Khwǐdû̌ gǔ pṳ̂̌nṳ̌bò pwa̤khû̌khwè yǎ tokhlǒ kû̌ acǔde. A gǔ gwèmě bò akhuwè̤ nutokhlǒ kû̌ acǔtûmû. 9Bǎ Cǒmara tûjû̌pwa̤ hèô̌lṳ̌htò̌ akha pěnu, a ma̤pî̌ kèbò asî sô̌sô̌kèkû̌ mî̌gè̌dû̌lò̤nu. A sǎphlǒdû̌ lî̤pi̤sǐ jî̌ akhû̌akhî, a lò̤gè̌te̤we̤bǐ kèbò asî. A ulò̤ si bò asî. 10Khwǐdû̌ gǔ ma̤sima̤hǎmǎ kèbò asî akhlialè bǎ hǎkhû̌. A gǔ ma̤tṳ̌ kèbò asî aphû̌ali̤ lò̤tutṳ̌ tokhlǒ dǒ kòyòhǎkhû̌phû̌ akla. 11Asî gǔma̤phû̌mò̤̌ lô̌khô khwǐdû̌ bǎbǎkǎlè ata̤yè̤lò̤nǎ tokhlǒnu a behtò̌belò̤ tôcǒ tô̤̌. 12A mṳcû̌tô asî kû̌ akhlǐ akhû̌akhî, asî htû̌tiwǐ hǎhtò̌khlè̌ ge bò sô̌. 13Ǒ Cǒmara tûjû̌pwa̤, pa gǔ htû̌sò̌htò̌ǐ nata̤sîrîshû̌sho. Pa sǎwǐhtû̌sò̌htò̌ na ta̤pô̤ta̤phǎ pě.
Copyright information for
KxfSCKXF