Psalms 26
Kòyòcǒkòyòtè̤ ata̤kwicaba
Khwǐdawi̤ ata̤sǎwǐ
1Ǒ Cǒmara tûjû̌pwa̤, he ma̤ còcè̌ ta̤ dǒ acǒatè̤ akhû̌akhî, olò̤wǎ̤lò̤ bǎ he kû̌ he ta̤sǔ ô̌ tôcǒ꤮ tô̤̌. He nǎla̤ǐ tǒ̤꤮ pwǎ Cǒmara tûjû̌pwa̤ nô̤̌. He sǎphlǒ lûhtolûlò̤ bǎ tô̤̌. 2– 3Ǒ Cǒmara tûjû̌pwa̤, na ta̤mô̤ǐ dǒ ahǎbòjò tô̤̌nu a nè̌klè̌nè̌klò he dě he ô̌htûpwa̤ dǒ na ta̤tě̤ta̤mè̤̌ akû akhû̌akhî, ma̤kè̌kè̌ mò̌ he sǎphlǒ, ma̤kè̌kè̌ mò̌ he sû̌shi. 4He cû̌hǎnòò̌ kû̌ kòyò lòhǎlòhô nutô̤̌. He cû̌bǒsû̌ kû̌ kòyòjî̌cǒjîtè̤ anǎ̤ nutokhlǒ tô̤̌tô̤̌. a 5He sǎkhě kòyòphû̌mò̤̌ nutokhlǒ ata̤ô̌plǒ hî̌bǎplǒ. He hǎnòò̌cu kû̌ kòyò khuhe nutokhlǒ tô̤̌. b 6Ǒ Cǒmara tûjû̌pwa̤, he cǔbòkè he cǔde mî̌ hedǔlṳ̌ kû̌ he ta̤sǔta̤plě ô̌tô̤̌. He cû̌te̤we̤ nṳ̌ na ta̤lṳhtò̌wǎ̤. 7He sǎwǐhtû̌sò̌htò̌ǐ hî̌bwǐhî̌sîrî kaǎgǔhtò̌. He shôbǐǐlṳ̌bò na ta̤ma̤ ta̤cǒklî̌kî̌ya. c 8Ǒ Cǒmara tûjû̌pwa̤, he mô̤ǐ hǐ dǒ na ô̌ǐnu kû̌ gûlǎ̤ dǒ na ta̤sîrîdû̌sîrîhtû lîkakha htò̌lṳ̌ nutò̤glò. 9Ma̤pî̌ padô̌ he kû̌ ta̤ma̤sǔphû̌ nutokhlǒ tǎ̤mǎ̤. Ma̤si padô̌ he kû̌ pwa̤ma̤si kò nutokhlǒ tǎ̤mǎ̤. d 10Asî cǔdenu a ma̤ còcè̌꤮ ta̤phû̌mò̤̌shî̌htô. Asî cǔtûmûnu a lǒbe bò kû̌ ta̤dǐǎshǎ. 11He khû̌dayadě he ma̤ pwǎta̤ dǒ acǒatè̤. Gwèbǎǐ dě ma̤hǎplǎge mò̌ he. e 12He ô̌ dǒ klè̌tôklè̌bǎ akû. Dǒ kòyò saprṳ̂ aklanu he htû̌sò̌htò̌ǐ Cǒmara tûjû̌pwa̤ pě.
Copyright information for
KxfSCKXF