Psa 29 | KxfSCKXF | STEP | Khwǐdawi̤ ata̤sǎwǐ Ǒ tanamǒkhû̌phû̌ sî, htû̌sò̌htò̌ Cǒmara tûjû̌pwa̤. Htû̌sò̌htò̌ ata̤sîrîdû̌sîrîhtû kû̌ ata̤pô̤ta̤phǎ.

Psalms 29

1 Ǒ tanamǒkhû̌phû̌ sî, htû̌sò̌htò̌ Cǒmara tûjû̌pwa̤.

Htû̌sò̌htò̌ ata̤sîrîdû̌sîrîhtû kû̌ ata̤pô̤ta̤phǎ. ^a

2 Shôbǐǐlṳ̌ Cǒmara tûjû̌pwa̤ ami̤ sîrîdû̌sîrîhtû.

Dô̌gînî̤ cabahtò̌ Cǒmara tûjû̌pwa̤ dǒ a ô̌ kû̌ ta̤tugutaka plò̌shǐ.

3 Cǒmara tûjû̌pwa̤ alě̤ pwe̤lṳ̌ dǒ shidû̌shite̤we̤khû̌.

Cǒmaradû̌ dǒ a ta̤suwi̤dû̌sòwò̤htû hî̌bǎ shû̌sho sô̌sô̌kû̌ mǒgǒlayî̤̌.

Cǒmara tûjû̌pwa̤ lě̤pwe̤ pwe̤nǎ̤sǎgô̌ bò dǒ shidû̌shite̤we̤khû̌.

4 Cǒmara tûjû̌pwa̤ alě̤pwe̤ pô̤phǎshû̌sho.

Cǒmara tûjû̌pwa̤ alě̤pwe̤ lǒbe kû̌ ta̤sîrîdû̌sîrîhtû. ^b

5 Cǒmara tûjû̌pwa̤ alě̤pwe̤ ma̤lagǎ bò sûyûmṳ̌ dǒ adû̌atònònu.

Sǒmṳ̌dû̌ ô̌ dǒ Lebanû khômǔkhôlôkhû̌nu tokhlǒ bǎbǎ Cǒmara tûjû̌pwa̤ ma̤lò̤khǔpo̤ bò.

6 A ma̤guyṳ̌ Lebanû khômǔkhôlôkhû̌ asô̌sô̌kû̌ pṳ̂̌phaphû̌ pě̤htò̌nu.

Sǐriû khôlô khû̌daya dě asô̌sô̌kû̌ pṳ̂̌mi̤ pě̤htò̌nu. ^c

7 Cǒmara tûjû̌pwa̤ alě̤pwe̤ ama̤pǒ̤htò̌ shî̌lî̌bǒ.

8 Cǒmara tûjû̌pwa̤ alě̤pwe̤ ma̤guyṳ̌ bò gǎshashigǎ lǒ̤seměkhû̌.

A ma̤guyṳ̌ pô̤̌ Gadegaǎ shô̌khû̌ gǎshashigǎnu.

9 Cǒmara tûjû̌pwa̤ alě̤pwe̤ ma̤guyṳ̌ bò asǒmṳ̌dû̌ plò̌shǐ.

A ma̤lò̤tě̤su kè bò sǒlǎ dǒ mi̤kla.

Lǒ̤bò pwa̤ ô̌ dǒ ta̤lṳhtò̌hôkû nutokhlǒ hî̌ lô̌khô kû̌, “Ta̤sîrîdû̌sîrîhtû ô̌ pû kû̌ Cǒmara tûjû̌pwa̤.” ^d

10 Cǒmara tûjû̌pwa̤ pǒǐ shidû̌. ^e

Cǒmara tûjû̌pwa̤ mî̌ khwǐ dǒ a pǒsîrîǐ ta̤ tûjû̌pwa̤.

11 Cǒmara tûjû̌pwa̤ ǐ a kòyò ta̤khû̌ta̤ǎ.

A ǐshowî̤ǐ a kòyò kû̌ ta̤gûjû̌gabǎ pě. ^f