Psa 39 | KxfSCKXF | STEP | Khwidawi̤ ata̤sǎwǐ htû̌sò̌htò̌. Ta̤sǎwǐ numî̌ pwa̤sǎwǐ ta̤tokhlǒ aikǒlǒkò kû̌ ta̤lṳhtò̌hôkûnu tôpwa̤ aya. Dě ta̤sǎwǐ htû̌sò̌htò̌ nutôtô̤̌ mî̌ Khûjedetu dǒ a yṳ̂̌klè̌nè̌klò pwa̤sǎwǐhtû̌sò̌htò̌ ta̤nu tôpwa̤ aya. He hî̌lò̤ ǐtû̌ henǎ̤ kû̌, “He ma̤ ta̤titètè̌ bǎbǎ, pô̤̌khô he ma̤si ta̤ tô̤̌nu, he gǔ sè̌rè̌ǐ he ta̤hî̌bǎ. “Dǒ kòyò sǎphlǒ phû̌mò̤̌shǐhtô tokhlǒ alô̤mô̤̌nu, he glè̌ pubǐǐ he khû̌phě.”

Psalms 39

1 He hî̌lò̤ ǐtû̌ henǎ̤ kû̌, “He ma̤ ta̤titètè̌ bǎbǎ, pô̤̌khô he ma̤si ta̤ tô̤̌nu, he gǔ sè̌rè̌ǐ he ta̤hî̌bǎ.

“Dǒ kòyò sǎphlǒ phû̌mò̤̌shǐhtô tokhlǒ alô̤mô̤̌nu, he glè̌ pubǐǐ he khû̌phě.”

2 Tôklû̌klû̌ he ô̌ dě he hî̌bǎ tôcǒ tô̤̌.

Yô̤̌sǎ dǒ awô̌ tokhlǒ bǎbǎ he hî̌bǎhtò̌ tô̤̌ bǎbǎ, he ta̤gû̌ta̤gè̌ tokhlǒ sǔsǔ a ô̌ dû̌ htò̌htò̌.

3 He sǎphlǒdû̌ sǎphlǒpî̌ jî̌jî̌.

He kè̌ gènè̤ shû̌shû̌, he sǎphlǒpî̌ shû̌shû̌, dě dǒ nô̌kògutṳ̌ dě he hî̌bǎhtò̌.

4 Ǒ Cǒmara tûjû̌pwa̤, he ta̤ô̌htûpwa̤ dǒ hǎkhû̌nu a glè̌ gutṳ̌ bǎkhò̌tè pě?

He lṳmṳ̌ni̤ lṳmṳ̌sa tokhlǒ aphǔ pwǐtènu, dǔlṳ̌ mò̌ he.

He lṳmṳ̌ni̤ lṳmṳ̌sa nî̌ a phwè pwǐtènu dǐsî̌ganǎ̤ mò̌ he.

5 Kè̌ hî̌mî̌ca nî̌, na ǐ he lṳmṳ̌ni̤ lṳmṳ̌sa aphǔ mî̌ca.

He lṳmṳ̌ni̤ lṳmṳ̌sa dǒ na lô̤mô̤̌ numî̌ amè̤̌ nô̌ tôcǒ tô̤̌.

Kè̌ hî̌mî̌ca mî̌, kòyò hǎkhû̌phû̌ lǒ̤bò ata̤ô̌htûpwa̤ lṳmṳ̌ni̤ lṳmṳ̌sa numî̌ asô̌sô̌kû̌ sǎhtò̌ tôsǎnô̤̌pwǎ. ^a

6 Kòyò hǎkhû̌phû̌ ata̤ô̌htûpwa̤ dǒ tashò̌phû̌ akûnô̤̌ a gǔ hǎmǎ kèbò sô̌sô̌kû̌ ta̤yô̤ǔ.

Asî jî̌pwǐ̤ wè̤ǎ sǎplǎ̤lò̤dô̌lò̤de tṳdè tônô̤.

Asî kè̌lǎ běplǒ ta̤dû̌yò̤̌htò̌sa bǎbǎkǎlè ta̤dû̌yò̤̌htò̌sa nî̌ mò̌pè glè̌ nǐ̤bǎ pěnu kòyò sî̌ganǎ̤ tôpwa̤ tô̤̌. ^{▼▼Lǔka 12:20}

7 Pô̤̌nukhû̌khî, ǒ Běcǎdû̌, khònò̤̌ he bǎ kè̌shuǐ pe mî̌titè?

He lǎ̤kè̌shu numî̌ a ô̌ pwǎ tǒ̤ na nô̤̌.

8 Ma̤hǎplǎge he kû̌ lǒ̤bò he ta̤ma̤sǔnu.

No pî̤jî̌ǐsho tǎ̤ he kû̌ kòyò phû̌mò̤̌shǐhtô nutokhlǒ mǎ̤.

9 Ta̤ nutokhlǒ mî̌ na nohtûhtò̌ pwǎ akhû̌akhî, he ô̌ sǔtǔkǔ pwǎ hǒ, he hî̌ pe tôcǒ tô̤̌.

10 Plèsha pe tǎ̤ he mǎ̤. ^c

Na plè mî̌ca he dě he glè̌ phǔsi tètè̤̌hǒ.

11 Kòyò ma̤ ta̤sǔta̤plě dě na sǎhtǎdû̌da kòyò, na plè kòyò, na ma̤pî̌ma̤lṳ̂̌ kèbò asî ta̤sǎyṳsǎbǎ pô̤̌khô pûûmǒ̤pha ǎpî̌ kèbò tě̤ta.

Kè̌ hî̌tě̤tě̤ mî̌, kòyò hǎkhû̌phû̌ lǒ̤bò ata̤ô̌htûpwa̤ lṳmṳ̌ni̤ lṳmṳ̌sa numî̌ asô̌sô̌kû̌ sǎhtò̌ tôsahtò̌ nô̤̌pwǎ.

12 Ǒ Cǒmara tûjû̌pwa̤, ganǎ̤de bǎ mò̌ he ta̤kwicaba na, ganǎ̤de bǎ mò̌ he kwisǎyṳhtò̌ na ta̤ma̤jè̌nu.

Bǎ hehǎhewô akhanu, jî̌koo tǎ̤ mǎ̤.

Dǒwǐkha pô̤̌ hephihephu lǒ̤bò htû shǐpwǎ̤shǐmè̤nu, he htû na shǐtômè̤ sô̌sô̌ pô̤̌ asînu.

13 Bǎ he si dě he hǎhtò̌cû̌ tephekè khôtô̤̌ akhanu, pô̤̌khô he gǔ sǎyǎ̤ bò̌ sô̌ ayanu, sǎphlǒdû̌ pe tǎ̤ he mǎ̤ nî̌.