Psa 4 | KxfSCKXF | STEP | Khwidawi̤ ata̤sǎwǐ htû̌sò̌htò̌. Ta̤sǎwǐ numî̌ pwa̤sǎwǐ ta̤ tokhlǒ aikǒlǒkò dǒ ta̤lṳhtò̌hôkû tôpwa̤ aya. Bǎ sǎwǐ ta̤sǎwǐ nuakhanu, bǎ dǒ lû̌kû̌ ta̤dǒta̤ǔ dǒ apli̤ô̌ tokhlǒ. Ǒ he Cǒmaradû̌ dǒ acǒatè̤, bǎ he kwisǎyṳhtò̌ na akhanu, ganǎ̤de he ta̤kwihtò̌ nanu. Bǎ he kè̌shǐtṳ̌bǎ ta̤pò̤̌ta̤sha akhanu, na ma̤jè̌ hto he hǒ. Gwèbǎǐ he, ganǎ̤de hetakwihtò̌ nanu.

Psalms 4

1 Ǒ he Cǒmaradû̌ dǒ acǒatè̤, bǎ he kwisǎyṳhtò̌ na akhanu, ganǎ̤de he ta̤kwihtò̌ nanu.

Bǎ he kè̌shǐtṳ̌bǎ ta̤pò̤̌ta̤sha akhanu, na ma̤jè̌ hto he hǒ.

Gwèbǎǐ he, ganǎ̤de hetakwihtò̌ nanu.

2 Ǒ kòyò hǎkhû̌phû̌ sî, sî gǔ ma̤sòwò̤̌ pòhò yî̤ he pwǐtè?

Sî gǔ mô̤ǐyî̤ pe ta̤tṳ̌dè pwǐtè dě sî gǔ kè̌lǎ pe ta̤ dǒ asǔnu pwǐtè?

3 Sî̌ganǎ̤ lô̌khô kû̌ Cǒmara tûjû̌pwa̤ rû̌htò̌ tûû̌ kòyò dǒ a bè̌dubè̌nǎ̤ lû̌û nutokhlǒ dǒ aya hǒ.

Bǎ he kwihtò̌ a akha a ganǎ̤de pě.

4 Bǎ na sǎphlǒdû̌ akhanu, ma̤ tǎ̤ ta̤sǔ mǎ̤. ^a

Bǎ na hǎmôô̌ akhanu, bè̌gûjû̌ sǎphlǒ, gènè̤ tě̤tě̤mè̤̌mè̤̌.

5 Lṳhtò̌tòhtò̌ ta̤cǒta̤tè̤ta̤lṳ dǒ atôabǎ, yṳ̌ǎ nǎla̤ǐ Cǒmara tûjû̌pwa̤.

6 Kòyò saprṳ̂ hî̌ lô̌khô kû̌, “Mò̌pè ma̤jò bǎ pa ta̤wô̌ tôcǒcǒ ya?”

Ǒ Cǒmara tûjû̌pwa̤, kè̌mô̤ kè̌wô̌ǐ pa.

7 Na ma̤sǎlě̤sǎlò̤ khlo he kû̌ bǎ asî nṳ̌bǎta̤dû̌we̤ sǒsusǒsǎ kû̌ shisǐyô̤sa akhanu.

8 Ǒ Cǒmara tûjû̌pwa̤, tǒ̤꤮ pwǎ na tugǔtaka ô̌pǒ̤kè̌khwè̌ǐ he akhû̌akhî, he û̌lò̤ dě hǎmôô̌nṳ̌ mô̤mô̤bǎbǎ sû̌pǐ̤sò̌pǐ̤ pě.