Psa 46 | KxfSCKXF | STEP | Phakû̌ri akhlialè tokhlǒ ata̤sǎwǐ htû̌sǎhtò̌. Dě ta̤sǎwǐ numî̌ pwa̤sǎwǐ ta̤tokhlǒ aikǒlǒkò dǒ ta̤lṳhtò̌hôkû nutôpwa̤ aya. Dě bǎ sǎwǐ sô̌sô̌kû̌ ta̤sǎwǐ dǒ ami̤ kû̌ Alamṳ̂ nutôtô̤̌. Cǒmaradû̌ mî̌ pa lǎ̤ô̌tûdû, pa khû̌ǎ. Bǎ pa kè̌shǐtṳ̌bǎ ta̤pò̤̌ta̤sha, a ô̌tîwî̌tòwò nǎ dǒ a gǔ ma̤jè̌ pa pṳ̂̌tôplǎ.

Psalms 46

1 Cǒmaradû̌ mî̌ pa lǎ̤ô̌tûdû, pa khû̌ǎ.

Bǎ pa kè̌shǐtṳ̌bǎ ta̤pò̤̌ta̤sha, a ô̌tîwî̌tòwò nǎ dǒ a gǔ ma̤jè̌ pa pṳ̂̌tôplǎ. ^a

2 Pô̤̌nukhû̌khî, hǎkhû̌ lò̤tě̤pro̤kè bǎbǎ, shô̌dû̌shô̌htû lò̤tě̤pwǐ dǒ shidû̌tawe̤ klǎmakû bǎbǎ, pa ǐsha tôcǒtô̤̌.

3 Shidû̌te̤we̤ pěpǒ pwe̤rupwe̤tè̌ pwe̤nǎ̤sǎgô̌ bǎbǎ, khômǔkhôlô guyṳ̌kèsè̌shû̌ bò bǎbǎ, pa ǐsha tôcǒ tô̤̌.

4 Shilô̤̌mǒ̤dû̌ ô̌ tôbô dě aphû̌phǎlò̤ tokhlǒ nî̌ a hèlò̤ ma̤sǎlě̤sǎlò̤ kòyò ô̌ bǎ Cǒmaradû̌ awî̤̌kû nutokhlǒ.

Gûlǎ̤ hǒomî̌ gûlǎ̤ dǒ aplò̌ashî̌, Cǒmara dǒ adû̌ahtûlǒ kòyò lǎ̤ô̌ agûlǎ̤.

5 Cǒmaradû̌ ô̌ bǎ wî̤̌kû nudě, kòyò ma̤tě̤pro̤kè jò wî̤̌nu tô̤̌.

Cǒmaradû̌ ma̤jè̌ǐ a bǎ lṳmṳ̌wî̤sò akhanu pě.

6 Khlilèphû̌ tokhlǒ ma̤ pwe̤rupwe̤tè̌ bò, ashiagǎ tokhlǒ lò̤tě̤pro̤ kèbò.

Bǎ Cǒmara yî̤̌kǒ akhanu, hǎkhû̌ jûshi kèbò.

7 Cǒmara tûjû̌pwa̤ dǒ a pǒ ta̤ lǒ̤bò hǒtôpwa̤ ô̌ kû̌ pa.

Phayakò a Cǒmaradû̌ mî̌ pa lǎ̤ô̌tûdû agûlǎ̤. ^b

8 Hèkè̌mò̌, Cǒmara tûjû̌pwa̤ ata̤ma̤nu, hèkè̌mò̌, asîrîshû̌sho cî̌htò̌ ma̤pî̌kè ta̤nu.

9 A ma̤ô̌kǔkè ta̤shěta̤pě̤ dǒ hǎkhû̌ tôbǎ.

A yǒgǎ kèbò khlǐ, a ma̤mǔ kèbò sòbò, a shû̌u kèbò lǎ̤taka.

10 A hî̌ kû̌, “Sǔtǔkǔ꤮ ô̌ lô̌khô, sî̌ganǎ̤ lô̌khô kû̌ he mî̌ Cǒmaradû̌.

“Khlilèphû̌ tokhlǒ gǔ htû̌sò̌htò̌ lô̌khô he pě, hǎkhû̌phû̌ sî gǔ htû̌sò̌htò̌ lô̌khô he pěpě.” ^c

11 Cǒmara tûjû̌pwa̤ dǒ a pǒ ta̤ lǒ̤bò nutôpwa̤ ô̌ kû̌ pa, Phayakò a Cǒmaradû̌ nî̌ pa lǎ̤ô̌tûdû agûlǎ̤.