Psalms 5
Kwihtò̌ ta̤kè̌khwè̌ǐ dǒ Cǒmara tûjû̌pwa̤ a ô̌
Khwǐdawi̤ ata̤sǎwǐ htû̌sò̌htò̌. Ta̤sǎwǐ numî̌ pwa̤sǎwǐ ta̤ tokhlǒ aikǒlǒkò dǒ ta̤lṳhtò̌hôkû nutôpwa̤ aya. Bǎ sǎwǐ ta̤sǎwǐ nuakhanu, bǎ u kû̌ tǐlû̌.
1Ǒ꤮ Cǒmara tûjû̌pwa̤, ganǎ̤de hekwicabahtò̌ nadě. Yṳ̌ǎ ganǎ̤de heta̤kookashanu. 2Ǒ꤮ hekhwǐ, he Cǒmara tûjû̌pwa̤, he kwihtò̌ na hǒ, khòsǎdô bè̌sû̌bè̌sǎ he kwihtò̌ na ta̤ma̤jè̌nu. 3Ǒ꤮ Cǒmara tûjû̌pwa̤, bǎ lṳmṳ̌lî akha na ganǎ̤de helě̤. Bǎ lṳmṳ̌lî akha he hî̌lṳ̌htò̌ heta̤lṳ̂bǎ dǒ nalô̤mô̤̌. He ô̌pǒ̤ kè̌shuǐ na ta̤shôbǐǐ geshî̌shu he. 4Na mî̌ Cǒmara tûjû̌pwa̤ dǒ a sǎphlǒô̌ sǎlě̤sǎlò̤ kû̌ kòyòjî̌phû̌mò̤̌ tô̤̌. Kòyòkhukòyòhe ô̌plǒjò kû̌ na tô̤̌tô̤̌. 5Kòyò phî̌htò̌yô̤̌ anǎ̤ hènṳ̌phǔjò dǒ nalô̤mô̤̌ tô̤̌. Na sǎkhě kòyòkhukòyòhe tokhlǒ. 6Na ma̤pî̌ma̤lṳ̂̌ kèbò kòyòlòhǎlòhô. Na ma̤yǒ̤ a ma̤simè̤mè̤̌ kòyò, tili̤tôlô̌ kòyò nutokhlǒ. 7He dě, nata̤mô̤ dǒ ahǎbòjò tô̤̌nu akhû̌akhî, he gǔ hènṳ̌ dǒ nahǐkû. He gǔ hèdô̌gînî̤lò̤ dǒ nata̤lṳhtò̌hǐ aplò̌shǐ akû kû̌ ta̤ǐsha, ta̤bè̌dubè̌nǎ̤ na pě. 8Ǒ Cǒmara tûjû̌pwa̤, pwa̤sǎkhě he ô̌dû̌wî̤ gutṳ̌, sûcû̌tû̌ he pô̤̌ atô nasǎphlǒnu. a Ma̤cǒma̤nò̤ bǎ he naklè̌ dǒ helô̤mô̤̌nu. 9Pwa̤sǎkhě he ta̤hî̌bǎ tokhlǒ, lǎ̤yṳ̌ǎ ô̌ tômṳ̂̌꤮ tô̤̌. Asî sǎphlǒkûnu alǒbe kû̌ ta̤sǎyṳ ma̤pî̌ma̤lṳ̂̌. Asîgô̌kûnu asô̌sô̌kû̌ lṳ̌kû dǒ a ô̌mô. Asîplî̤ nu a lǒbe kû̌ ta̤htû̌sò̌lòhô. b 10Ǒ꤮ Cǒmaradû̌, shôbǐǐlṳ̌mò̌ pwa̤sǎkhě he nu kû̌ asî ta̤sǔô̌, cî̌htò̌kèmò̌ asî. Asî ta̤gènè̤ phû̌mò̤̌shǐhtô kòyò tokhlǒnu no htûhtò̌gesô̌ tû̌ kû̌ asî ta̤pî̌ta̤lṳ̂̌ ayanu. Asî ta̤sǔta̤plě ô̌dû̌wî̤ gutṳ̌, wṳ̂̌hǎhtò̌cû̌ tepheyi̤ asî dǒ nalô̤mô̤̌nu. Asî ma̤yǒhtò̌yǒlè shěshu na hǒ. 11Kòyò dǒ akè̌pǒ̤ ô̌tûdû anǎ̤ kû̌ na tokhlǒnu a gǔ sǎlě̤sǎlò̤ pû nî̌꤮. Asî gǔ sǎlě̤sǎlò̤ sǎwǐhtû̌sò̌htò̌ tûû̌ na tûjû̌pwa̤ talakhǎ nî̌꤮. Takaǐnṳ̌ wô̌ tûû̌ kòyò dǒ a mô̤nǐ̤ nami̤ nutokhlǒ. Dǒ nakhû̌nakhî dě asî gǔ sû̌mô̤sò̌mô̤ pě. 12Ǒ Cǒmara tûjû̌pwa̤, na ǐshowî̤ mè̤̌caca kòyòcǒkòyòtè̤. Takaǐ nṳ̌wô̌ asî kû̌ nata̤mô̤, nata̤kè̌dû̌ pô̤̌ gòtò̤ tôbǎnu.
Copyright information for
KxfSCKXF