Psa 52 | KxfSCKXF | STEP | Ta̤sǎwǐ numî̌ pwa̤sǎwǐ ta̤ tokhlǒ dǒ ta̤lṳhtò̌hôkû nutôpwa̤ aya. Khwǐdawi̤ ata̤sǎwǐ nutôkǔ mî̌ dǒ Hebrǔyô̤̌nu, a kaǎ lû̌kû̌ masabǐla ta̤sǎwǐ, dě ta̤sǎwǐ nutôshǒmî̌ a ǐ kòyò ta̤sî̌yaphlôphǎ. Dě a sǎwǐ ǎ Edûkhlilèphû̌ khûdûebǎ cû̌ dǒ khwǐshòlǔ aô̌ dě acû̌ pwe̤ǐ lû̌ kû̌, “khwǐdawi̤ hǎhtò̌cû̌kè htohǒ dǒ khûahǐmalè̌ ahǐ,” akhanu. Ǒ kòyòpha cǔshokhò̌sho, nacû̌ bè̌dû̌bè̌htò̌yô̤̌ ǐtǒ̤ nanǎ̤ kû̌ ta̤gènè̤nǎ phû̌mò̌ nutokhlǒ ma̤titè? Cǒmaradû̌ ata̤mô̤ dǒ ahǎbòjò tô̤̌nu a takabǐnṳ̌ he tônǐ̤mṳ̌hǎ.

Psalms 52

1 Ǒ kòyòpha cǔshokhò̌sho, nacû̌ bè̌dû̌bè̌htò̌yô̤̌ ǐtǒ̤ nanǎ̤ kû̌ ta̤gènè̤nǎ phû̌mò̌ nutokhlǒ ma̤titè?

Cǒmaradû̌ ata̤mô̤ dǒ ahǎbòjò tô̤̌nu a takabǐnṳ̌ he tônǐ̤mṳ̌hǎ.

2 Ǒ kòyò lòhǎlòhô, na glè̌ ma̤pî̌ma̤lṳ̂̌kè kòyò.

Naplî̤nu a htò sô̌sô̌kû̌ nò̌shî htò̌wô̌.

3 Ta̤wô̌ kû̌ ta̤phû̌mò̤̌nu na mô̤nṳ̌ khlo dǒ ta̤phû̌mò̤̌.

Ta̤hî̌bǎ lòhǎlòhô kû̌ ta̤hî̌bǎcǒhî̌bǎtè̤nu na mô̤ǐ khlo dǒ ta̤hî̌bǎ lòhǎlòhô.

4 Ǒ kòyò lahǎlahò, na mô̤nṳ̌ còcè̌ pwǎ ta̤hî̌bǎpò̤̌hî̌bǎsha kòyò.

5 Cǒmaradû̌ gǔ ma̤pî̌ma̤lṳ̂̌ na tûjû̌pwa̤.

A pṳ̂̌cî̌htò̌ kè na dǒ nahǐphû̌khlo pě.

A wṳ̂̌hǎhtò̌cû̌ tephekè na kû̌ kòyòhǎkhû̌phû̌ ô̌htûpwa̤ hǎkhû̌ nupě.

6 Kòyòcǒkòyòtè̤ kè̌shǐ dě agònò̤̌gòglè lǒ̤bò.

Asî gǔ sǎyî̤̌ a dě a hî̌ lô̌khô kû̌, 7 “Kè̌ mò̌, kòyòpha dǒ a ô̌tûdû anǎ̤ kû̌ Cǒmaradû̌ tô̤̌ nutôpwa̤.

“A yṳ̌ǎ tûû̌ pwǎ ata̤dû̌yò̤̌htò̌sa.

“A yṳ̌ǎ tûû̌ pwǎ ata̤yè̤lò̤ ma̤pî̌ma̤lṳ̂̌ kòyò pwǎ.” a hî̌ lû̌û pô̤̌nu.

8 Bǎbǎkǎlè he mî̌ he sô̌sô̌kû̌ òlî̌bamṳ̌ dǒ a dô̌htò̌dû̌htò̌ wî̤wô̌ dǒ Cǒmaradû̌ ahǐ kòshî̌ nutômṳ̌.

He yṳ̌ǎnṳ̌ Cǒmaradû̌ ata̤mô̤ dǒ a hǎbòjò tô̤̌nu tûjû̌pwa̤ talakhǎ.

9 Na ma̤hto bǎ pa nutokhlǒ akhû̌akhî, he hî̌bwǐhî̌sîrîhtò̌ na tûjû̌pwa̤ pě.

Nami̤nu awô̌ gutṳ̌ akhû̌akhî, he htû̌sò̌htò̌ na dǒ kòyò bè̌dubè̌nǎ̤ na nutokhlǒ alô̤mô̤̌ pě.