Psa 54 | KxfSCKXF | STEP | Ta̤sǎwǐ numî̌ pwa̤sǎwǐ ta̤ tokhlǒ aikǒlǒkò dǒ ta̤lṳhtò̌hôkû nutôpwa̤ aya. Khwǐdawi̤ ata̤sǎwǐ nutôshǒ mî̌ dǒ Hebrǔyô̤̌nu, a kaǎ lû̌kû̌ masakǐla ta̤sǎwǐ, dě ta̤sǎwǐ nutôshǒ a ǐ kòyò ta̤sî̌phlôphǎ. Bǎ sǎwǐ ta̤sǎwǐ nuakhanu, bǎ dǒlû̌ kû̌ ta̤dǒta̤ǔ dǒ apli̤ô̌ tokhlǒ. Dě khwǐdawi̤ sǎwǐ ta̤sǎwǐ nutôshǒ bǎ Sǐphǐkhlilèphû̌ tokhlǒ cû̌ dǒ khwǐshòlǔ ô̌ dě a pwe̤ǐlṳ̌ lû̌kû̌, “Khwǐdawi̤ ô̌hǔô̌sè̌ dǒ pakla,” akhanu hǒ. Ǒ Cǒmaradû̌, ma̤hǎplǎkèmò̌ he kû̌ nata̤sîrîpô̤phǎ. Shějè̌ bǎ mò̌ he kû̌ napô̤phǎshû̌sho.

Psalms 54

1 Ǒ Cǒmaradû̌, ma̤hǎplǎkèmò̌ he kû̌ nata̤sîrîpô̤phǎ.

Shějè̌ bǎ mò̌ he kû̌ napô̤phǎshû̌sho.

2 Ǒ Cǒmaradû̌, dò̌ bǎwǐ he nanò̌gu dǒ he kwicabanu.

Ganǎ̤de bǎpû heta̤kwigwèbǎhtò̌ na.

3 Shilǎ̤gǎkhlophû̌ tokhlǒ hèshě he.

Kòyòkhu kòyòhe dǒ a bè̌dubè̌nǎ̤ gû̌ kòyò Cǒmara tô̤̌ tokhlǒ kè̌lǎ ma̤si he. ^a

4 Hî̌tě̤tě̤mî̌ Cǒmaradû̌ mî̌ pwa̤ dǒ a ma̤jè̌ he.

Běcǎdû̌ mî̌ pwa̤ dǒ a tugǔtaka bǐ he.

5 Kòyò dǒ a kè̌lǎ ma̤phû̌mò̤̌ he tokhlǒnu, a gǔ kè̌shǐ gesô̌tû̌ ta̤phû̌mò̤̌.

Na cǒtè̤ kû̌ nayô̤̌ akhû̌akhî, ma̤pî̌ma̤lṳ̂̌kè bòmò̌ asî.

6 He gǔ lṳhtò̌ na kû̌ hesǎphlǒshû̌ ata̤lṳ̌ta̤tò̤.

Ǒ Cǒmara tûjû̌pwa̤, htû̌sò̌htò̌ na numî̌ ta̤ dǒ awô̌ tôcǒ akhû̌akhî, he gǔ htû̌sò̌htò̌ na. ^b

7 Na ma̤hǎplǎkè he dǒ ta̤pò̤̌ta̤sha lǒ̤bò akû.

Pwa̤sǎkhě he tokhlǒ lò̤jû̌ bònu he kè̌shǐ kû̌ hemǐ̤sǎ.