Psalms 6
Bǎ ta̤pò̤̌ta̤sha hèbǎ akha, kwihtò̌ ta̤ma̤jè̌ dǒ Cǒmara tûjû̌pwa̤ a ô̌
Khwǐdawi̤ ata̤sǎwǐ htû̌sò̌htò̌. Ta̤sǎwǐ numî̌ pwa̤sǎwǐ ta̤ tokhlǒ aikǒlǒkò dǒ ta̤lṳhtò̌hôkû nutôpwa̤ aya. Bǎ sǎwǐ ta̤sǎwǐ nuakhanu, bǎ dǒ lû̌kû̌ ta̤dǒta̤ǔ dǒ apli̤ tokhlǒ.
1Ǒ꤮ Cǒmara tûjû̌pwa̤, sǎphlǒdû̌ dě sǎhtǎdû̌da tǎ̤ he mǎ̤. Bǎ na sǎphlǒdû̌ he akha plè tǎ̤ he mǎ̤. a 2Ǒ꤮ Cǒmara tûjû̌pwa̤, alò̤dô̌lò̤de mî̌ca he akhû̌akhî, gwèbǎǐ he. Ǒ꤮ Běcǎ, a sha bò hekhwǐhekhû̌ hǒ, ma̤hǎmǎ bǎ mò̌ he nî̌꤮. 3He sǎǐsha mè̤̌mî̌ca. Ǒ꤮ Cǒmara tûjû̌pwa̤ na glè̌ cǐhtû yî̤pô̤̌ shěkhǎ pwǐ꤮ tè pěya? 4Ǒ Cǒmara tûjû̌pwa̤, ma̤hǎplǎkèmò̌ he. Nata̤mô̤ nu ahǎbòjò tô̤̌ akhû̌akhî, ma̤hǎplǎkè mò̌ he. 5Kòyò cû̌tǒ̤ dǒ lṳ̌gǎnǎdo nutokhlǒ, tôpwa̤꤮ kòyò sî̌ya pe na tô̤̌. Kòyò ô̌ dǒ lṳ̌gǎ nunî̌ kòyò htû̌sò̌htò̌ pe nô̌ na tôpwǎ̤꤮ tô̤̌. 6He ta̤kookasha dě a sǎplǎ̤lò̤de mî̌ca he. Pṳ̂̌sasa hemǐ̤sǎshi lò̤tě̤dû̌ lò̤cô̌ bò he hugò̌. Pṳ̂̌hǎhǎ he hǎ dě a cô̌pwî̌ bò he lǎ̤da. 7Dǒ pwa̤sǎkhě he ma̤hǎ dû̌wî̤ he akhû̌akhî, hemǐ̤sǎphě yô̌ bò, a pô̤lô̤̌ bò hǒ. 8Cǒmara tûjû̌pwa̤ ganǎ̤de heta̤hǎta̤wô akhû̌akhî, ǒ kòyò dǒ a ma̤ ta̤phû̌mò̤̌shǐhtô, cû̌tepheyî̤kè kû̌ he. b 9Cǒmara tûjû̌pwa̤ ganǎ̤de heta̤kwisǎyṳ. Cǒmara tûjû̌pwa̤ yṳ̌ǎphî̌shěshu he ta̤kwicaba hǒ. 10Lǒ̤bò pwa̤sǎkhě he tokhlǒ gǔ ǐsha sòwò̤̌ bò pě. Asî tiwǐgesô̌, dě tôplǎnô̤̌ amǐ̤sǎ pî̌tî̌kè pě.
Copyright information for
KxfSCKXF