Psalms 63
Sǎyṳ ô̌phǔ kû̌ Cǒmara
(Shamuěla awǐlǒ tôbǎ 22:5, 23:14-15)
Khwǐdawi̤ ata̤sǎwǐ htû̌sò̌htò̌. Dě a sǎwǐ bǎ a cû̌ô̌ dǒ yǔda gǎshashigakhû̌ akhanu.
1Ǒ꤮ Cǒmaradû̌, na mî̌ he Cǒmara. He sǎphlǒshû̌ kè̌lǎǐ na. He kè̌shuǐ mî̌ca na. He sǎyṳ ô̌phǔ kû̌ na asô̌sô̌kû̌ kòyò sǎyṳ ô shi dǒ gǎshashiga dǒ shi ô̌ tômè꤮ tô̤̌nu. 2He kè̌shǐ hto nata̤pô̤ta̤phǎ kû̌ na ta̤sîrîdû̌sîrîhtû. He kè̌shǐ na dǒ nagûlǎ̤ aplò̌shǐ akû. 3Nata̤mô̤ dǒ ahǎbòjò tô̤̌nu awô̌ khlope kû̌ ta̤ô̌htûpwa̤ akhû̌akhî, he htû̌sò̌htò̌ na. 4He gǔ hî̌bwǐsîrî htû̌sò̌htò̌ na tǒ̤htû̌ he si. Bǎ he kwicabahtò̌ na akhanu, he yṳ̂̌htò̌ hecǔde. 5A mô̤sû̌mô̤sò̌kè he pô̤̌ kòyò ǎkǒôbe dîhǎsǐwǐ. He gǔ sǎlě̤sǎlò̤ htû̌sò̌htò̌ na kû̌ lî̤sǎwǐhtû̌sò̌htò̌. 6Bǎ he ô̌ dǒ lǎ̤dakhû̌ akhanu, he gènè̤bǎ na. He gènè̤ bǎ na tôsamǒ̤shî̌. 7Na mî̌ pwa̤ma̤jè̌ he akhû̌akhî, he sǎlě̤sǎlò̤ sǎwǐhtûsò̌htò̌ na dǒ na děge ayô̤ǔlǎ̤. 8He phô̌mě na. Nacǔde cǔtamû ma̤jè̌ he. 9Kòyò tokhlǒ kè̌lǎ ma̤si lô̌khô he. Asî gǔ lò̤tě̤kè bò dǒ lṳ̌gǎnǎdo. 10Asî sikèbò kû̌ nò̌shî. Asî htûhtò̌bò shǐmi̤shǎ. 11Dǒ Cǒmaradû̌ ma̤jè̌ bǎ khwǐdû̌ akhû̌akhî, a gǔ sǎlě̤sǎlò̤. Lǒ̤bò kòyò dǒ a wṳ̂̌dò ayô̤̌ kû̌ Cǒmara ami̤ nutokhlǒ gǔ htû̌sò̌htò̌ tû̌ Cǒmara. Kòyò dǒ a lòhǎlòhô tokhlǒnu, a ô̌sǔtukǔ kèbò pě.
Copyright information for
KxfSCKXF