Psa 8 | KxfSCKXF | STEP | Khwǐdawi̤ ata̤sǎwǐ htû̌sò̌htò̌. Ta̤sǎwǐ numî̌ pwa̤sǎwǐ ta̤tokhlǒ aikǒlǒkò dǒ ta̤lṳhtò̌hôkû nutôpwa̤ aya. Dě tôbǎ sǎwǐ wô̌wô̌ kû̌ pwa̤dǒ ta̤dǒta̤ǔ mè̤̌hǒ a dǒ ta̤dǒta̤ǔ dǒ apli̤ nuhǒ. Ǒ pa Běcǎdû̌, Cǒmara tûjû̌pwa̤, na mi̤dû̌ mi̤lṳ̌shilṳ̌gǎ lǒ̤bò hǎkhû̌ tôbě꤮bò. Kòyò htû̌sò̌htò̌nǐ̤ na ta̤sîrîdû̌sîrîhtûnu alṳ̌htò̌ tǒ̤dǒ mǒkhû̌.

Psalms 8

Cǒmara ata̤sîrîdû̌sîrîhtû kû̌ kòyò hǎkhû̌phû̌ ata̤mi̤dû̌sîrîhtû

Khwǐdawi̤ ata̤sǎwǐ htû̌sò̌htò̌. Ta̤sǎwǐ numî̌ pwa̤sǎwǐ ta̤tokhlǒ aikǒlǒkò dǒ ta̤lṳhtò̌hôkû nutôpwa̤ aya. Dě tôbǎ sǎwǐ wô̌wô̌ kû̌ pwa̤dǒ ta̤dǒta̤ǔ mè̤̌hǒ a dǒ ta̤dǒta̤ǔ dǒ apli̤ nuhǒ.

1 Ǒ pa Běcǎdû̌, Cǒmara tûjû̌pwa̤, na mi̤dû̌ mi̤lṳ̌shilṳ̌gǎ lǒ̤bò hǎkhû̌ tôbě꤮bò.

Kòyò htû̌sò̌htò̌nǐ̤ na ta̤sîrîdû̌sîrîhtûnu alṳ̌htò̌ tǒ̤dǒ mǒkhû̌.

2 Pô̤̌khô pwa̤sǎkhě na kû̌ pwa̤ma̤lǐ̤ geshî̌shu na tokhlǒ gǔ ô̌ sǔtǔkǔ kè aya, na gǔ no htû̌sò̌htò̌ phijǎphû̌ sîtokhlǒ kû̌ phijǎphû̌ dǒ a ônû̌ pe nutokhlǒ. ^a

3 Bǎ he kè̌htò̌ mǒlǎ̤ dǒ na bô̌ a kû̌ na cǔde, dě he kè̌shǐ la kû̌ shǎ dǒ na ma̤bǎ tûû̌ asî agûlǎ̤ kû̌ agûlǎ̤ nutokhlǒ akhanu, 4 na cû̌ shôpe̤ pe padô̌ kòyòhǎkhû̌phû̌ tô̤̌mî̌, asî mî̌ kòyò hětè tokhlǒ ya?

Asî mî̌ kòyò dǒ a bǎsi pě tokhlǒ pwǎ, na cû̌ kè̌khwè̌ǐ tûû̌ asî pwǐnu mî̌ ma̤titè? ^b

5 Na ǐ kòyòhǎkhû̌phû̌ ta̤siwi̤sòwò̤ dǒ ajǎkhlo kû̌ nanǎ̤ tîkî̌phû̌ bǎbǎkǎlè dǒ nô̌kònu, na ǐ gesô̌ asî ta̤bwǐdû̌sîrîhtû. ^c

Dě na bè̌dû̌bè̌htû sô̌ asî.

6 Na nopǒǐ bò a kû̌ lǒ̤bò na bô̌lò̤ nutokhlǒ.

Na dò̌lò̤ bò ta̤pṳ̂̌ tôcǒ dǒ akhò̌lôpô̤̌lǎ̤. ^d

7 Lǒ̤bò sû̌phû̌, pṳ̂̌panǎ̤ kû̌ ta̤mi̤ta̤mò̤̌ dǒ aplò̤ bǎbǎ, 8 htû̌phû̌ wi̤ dǒ mǒlǎ̤ bǎbǎ, tò̤̌ ô̌ dǒ shidû̌tewe̤kû bǎbǎ, lǒ̤bò na bô̌lò̤ a dě a gòyò̤̌cû̌ dǒ shidû̌tewe̤kû nutokhlǒ bǎbǎ, nano pǒǐ bò kû̌ a.

9 Ǒ pa Běcǎdû̌, Cǒmara tûjû̌pwa̤, na mi̤dû̌ mi̤lṳ̌shilṳ̌gǎ lǒ̤bò dǒ hǎkhû̌taběbò hǒ.