Psa 93 | KxfSCKXF | STEP | Cǒmara tûjû̌pwa̤ pǒ ta̤ pô̤̌ khwǐ. A kûhtò̌sô̌htò̌ ta̤bwǐdû̌sîrîhtû dǒ alîrakha. A è̌htò̌ǐ ta̤pô̤phǎshû̌sho. A shǒhtò̌ma̤htò̌ tònòmě wô̌bǎ hǎkhû̌. A guyṳ̌ sǒsǔjò tô̤̌.

Psalms 93

1 Cǒmara tûjû̌pwa̤ pǒ ta̤ pô̤̌ khwǐ.

A kûhtò̌sô̌htò̌ ta̤bwǐdû̌sîrîhtû dǒ alîrakha.

A è̌htò̌ǐ ta̤pô̤phǎshû̌sho.

A shǒhtò̌ma̤htò̌ tònòmě wô̌bǎ hǎkhû̌.

A guyṳ̌ sǒsǔjò tô̤̌.

2 Na gògǒhtahtò̌yô̤̌lǒ nî̌ a ô̌měô̌gle dǒněhǎlau penu.

Na ô̌nǎ hto tûjû̌pwa̤ dǒněhǎlau pe.

3 Ǒ꤮ Cǒmara tûjû̌pwa̤, shidû̌te̤we̤ tokhlǒ pěpǒhè, pǒhè pwe̤nǎ̤sǎgô̌, pǒhè shû̌sho jî̌jî̌.

4 Cǒmara tûjû̌pwa̤ ô̌ dǒ mǒkhû̌ nutôpwa̤ mî̌ ashû̌asho jî̌jî̌.

Ashû̌asho khlope kû̌ shipěpǒdû̌ pwe̤nǎ̤shǎgô̌, shipěpǒ bǒbè̌ hèdû̌ dǒ shidû̌te̤we̤kû.

5 Cǒmara tûjû̌pwa̤, na ta̤sû̌ta̤tòwò tokhlǒnu aměagle, na hǐ nî̌ aplò̌ashî̌ tûjû̌pwa̤ talakhǎ.