Psa 99 | KxfSCKXF | STEP | Cǒmara tûjû̌pwa̤ mî̌ khwǐ akhû̌akhî, no gònò̤̌gèglèbò khlilèphû̌ tokhlǒ. A hǎnòò̌ dǒ gûlǎ̤ htò̌yô̤̌khlo kû̌ mǒkhû̌tanaphû̌ dǒ kòyò kaǎ lû̌û kû̌ Kherǔbe akhû̌nu akhû̌akhî, no kuyṳ̌bò hǎkhû̌běkhû̌.

Psalms 99

1 Cǒmara tûjû̌pwa̤ mî̌ khwǐ akhû̌akhî, no gònò̤̌gèglèbò khlilèphû̌ tokhlǒ.

A hǎnòò̌ dǒ gûlǎ̤ htò̌yô̤̌khlo kû̌ mǒkhû̌tanaphû̌ dǒ kòyò kaǎ lû̌û kû̌ Kherǔbe akhû̌nu akhû̌akhî, no kuyṳ̌bò hǎkhû̌běkhû̌. ^a

2 Dǒ Sǐû khôlôkhû̌ nî̌ Cǒmara tûjû̌pwa̤ mî̌ apô̤pwǎ̤shû̌sho gutṳ̌.

A pǒǐbò khlilèphû̌ lǒ̤bò.

3 No htû̌sò̌htò̌bò asî kû̌ ami̤ dǒ adû̌ahtû, agwǎ ǐshanu. a mî̌ aplò̌ashǐ.

4 Khwǐdû̌ nî̌ asiwi̤dû̌sòwòhtû, na mô̤nṳ̌ ta̤cǒta̤tè̤, na bè̌htò̌ ta̤tôta̤bǎ.

Na cî̌htò̌tô cî̌htò̌bǎ, na cî̌htò̌cǒ cî̌htò̌tè̤ bǎ Phayakò akhlialè lò̤ tokhlǒ.

5 Htû̌sò̌htò̌mò̌ lô̌khô Cǒmara tûjû̌pwa̤ mî̌ pa Cǒmaradû̌nu.

Cubucabahtò̌mò̌ lô̌khô dǒ ata̤lṳhtò̌hôkû bǎ agògǒhtò̌yô̤̌lǒ lô̤mô̤̌nu. A mî̌ aplò̌ashǐ.

6 Phamṳ̂shě kû̌ Pha Arṳ̂ mî̌ a htû Cǒmara apwa̤lṳhtò̌ta̤.

Kòyò dǒ a kwicabahtò̌ lû̌û tokhlǒ akla, Khûshamuěla mî̌ apa tôpwa̤.

Asî kwisǎyṳhtò̌ Cǒmara tûjû̌pwa̤ dě a ganǎ̤de asîta̤kwi.

7 A hî̌bǎlò̤ asî yô̤̌sǎ dǒ poǒlṳ̌ tûlûhtûkû. ^b

A mǎnǎ asî ta̤mǎlò̤ kû̌ ta̤sû̌ta̤tòwò dě asî ganǎ̤de jûlě̤phǐbò yô̤̌nu.

8 Ǒ Cǒmara tûjû̌pwa̤ amè̤̌kû̌ pa Cǒmaradû̌, na ganǎ̤deshǔ na kòyò tokhlǒ.

Na mî̌ Cǒmaradû̌ dǒ a plûkè asî ta̤sǔ bǎbǎkǎlè bǎ asî ma̤sǔ ta̤ akhanu na cî̌htò̌ asî.

9 Htû̌sò̌htò̌ lô̌khô Cǒmara tûjû̌pwa̤, dǒ amè̤̌ pa Cǒmaradû̌.

Cubucabahtò̌ a dǒ akhôlô plò̌shî̌khû̌.

Cǒmara tûjû̌pwa̤ mî̌ pa Cǒmaradû̌ numî̌ aplò̌ashî̌.