Rev 9 | KxfSCKXF | STEP | Pô̤̌nuhtodě bǎ tanaphû̌ sò̌yè̤̌ tôpwa̤ ǔhtò̌ kǐlû akhanu, he kè̌shǐ tanaphû̌ phû̌mò̤̌ dǒ asô̌sô̌kû̌ shǎ tômè lò̤tě̤ ô̌ hto dǒ hǎkhû̌nu dě kòyò ǐ shǎ tômè kû̌ khokûdû̌yô̤̌ tôkû asò̌shî̌.

Revelation of John 9

1 Pô̤̌nuhtodě bǎ tanaphû̌ sò̌yè̤̌ tôpwa̤ ǔhtò̌ kǐlû akhanu, he kè̌shǐ tanaphû̌ phû̌mò̤̌ dǒ asô̌sô̌kû̌ shǎ tômè lò̤tě̤ ô̌ hto dǒ hǎkhû̌nu dě kòyò ǐ shǎ tômè kû̌ khokûdû̌yô̤̌ tôkû asò̌shî̌. 2 Shǎnu tômè bǔmô khokûdû̌yô̤̌ tôkû dě mî̌khǔhtò̌ dǒ akû dě a asô̌sô̌kû̌ mî̌khǔhtò̌ dǒ mî̌pô̤dû̌kûnu. Mî̌ khǔhtò̌ akhû̌akhî, lṳmṳ̌ mî̌ akhǐ, mǒsǎlǎlǎ̤ mî̌ a khǐkè bò. ^a 3 Dèwè̤̌ tokhlǒ ô̌ dǒ mî̌khǔkla wi̤hǎhtò̌ dě a wi̤hǎhtò̌ lò̤tě̤bò dǒ hǎkhû̌ dě asî ata̤pô̤ta̤pwǎ̤ dǒ a gǔ ě kòyò, dě awè̤̌ sô̌sô̌kû̌ dènè̤ ô̌ dǒ hǎkhû̌ tokhlǒ ě kòyò nupě. ^b 4 Kòyò hî̌nǎ asî kû̌ mi̤mṳ̌ sî, sǒdogotǒ̤ aǐso sî, sǒmṳ̌wṳ̂̌mṳ̌ sîtokhlǒ a bǎ ma̤pî̌ tîkî̌ tô̤̌. Asî bǎ ě pwǎtǒ̤ kòyò dǒ a ô̌ kû̌ Cǒmara ta̤ma̤dòǐ dǒ a mě̤htò̌lô̤ tô̤̌ nutokhlǒ pwǎ. ^c 5 Dèwè̤̌ tokhlǒnu, ta̤ǐ akhwè dǒ a bǎ ma̤si kòyò tokhlǒ tô̤̌ bǎbǎkǎlè asî no ma̤shajî̌jû̌ kòyòsî yè̤̌la akû. Ta̤ma̤jî̌ma̤jû̌ kòyònu, awè̤̌htò̌ sha asô̌sô̌kû̌ dènè̤ ěnu pě. 6 Bǒo yè̤̌la akûnu, kòyò tokhlǒ gǔ kè̌shuǐ ta̤si bǎbǎkǎlè a kè̌shǐ tô̤̌. Asî sǎyṳ si bǎbǎkǎlè ta̤si gǔ khlè̌ tephekè asîlǎ̤ pě. ^d

7 Dèwè̤̌ tokhlǒnu asô̌sô̌kû̌ tîsî̌ tokhlǒ dǒ a ô̌ tîwî̌tòwò anǎ̤ dǒ a gǔ shěpě̤ta̤ ayanu. Dǒ asî ikǒlô̤nu a sô̌sô̌ kû̌ a glû̌ khû̌glû̌hta, htodě asî mǐ̤sǎnu, a sô̌sô̌ kû̌ kòyò mǐ̤sǎ. ^e 8 Asî khǔlṳ̌nu, asô̌sô̌kû̌ pwa̤mǒ̤ tokhlǒ akhǔlṳ dě akhû̌khinu asô̌sô̌kû̌ khîdû̌ tokhlǒ akhû̌khi. ^f 9 Dǒ asî sôôlô̤nu a sô̌sô̌ kû̌ a sô̌htò̌ jetě̤htò̌ dě a gaplǎ̤ aděgenu, apwe̤ sô̌sô̌kû̌ kòyò htò̌ ta̤shěpě̤ dě kòyò wṳ̂̌ pwe̤rupwe̤tè̌htò̌ dû̌wî̤ tîsî̌lô̤ tokhlǒnu. ^g 10 Agòmě̤nu, asô̌sô̌kû̌ dènè̤ dě a wè̤ nî̌ asô̌sô̌kû̌ dènè̤. Agòmě̤nu, a ô̌ kû̌ ata̤shǔshô̌ dǒ a gǔ ějî̌ ějû̌ kòyò yè̤̌la akû pě. 11 Khwǐ dǒ a pǒ asînu a ô̌ tôpwa̤. A mî̌ tanaphû̌ tôpwa̤ dǒ a pǒ khokûdû̌yô̤̌ tôkû nutôpwa̤ hǒ. Hebrǔyô̤̌ numî̌ ami̤ kû̌ Abadû dě Grě yô̤̌ numî̌, a hî̌ kû̌ Apò̌liya. ^{▼▼yô̤̌mûyô̤̌sǎ mî̌ pwa̤ma̤pî̌ ta̤.}

12 Ta̤jî̌ta̤jû̌ awǐlǒ tôcǒ numî̌, a tûlû̌kè htohǒ. Hǒtôcǒ htopě mî̌ ta̤jî̌ta̤jû̌ gǔ hè pô̤̌ ginǐ̤cǒ pě.

13 Bǎ tanaphû̌ pwa̤ susô̌ nutôpwa̤ ǔhtò̌ kǐlû akhanu, he ganǎ̤de alě̤pwe̤htò̌ bǎ ta̤lṳhtò̌awǎ̤ dǒ a bô̌ kû̌ hta dě ano̤ ô̌ lǐ̤bô akû bǎ Cǒmara alô̤mô̤̌ nutôkû. ⁱ 14 Yô̤̌sǎ hî̌lò̤ tanaphû̌ pwa̤ susô̌ dǒ a pṳ̂̌mě kǐlû nutôpwa̤ kû̌, “Plûhǎhtò̌cû̌ tanaphû̌ sò̌lǐ̤ dǒ kòyò comě asî bǎ shilô̤̌mǒ̤dû̌ Yṳ̂barǐtǐ akûnu.” 15 Tanaphû̌ pwa̤ susô̌ tôpwa̤nu, a cû̌ plûhǎhtò̌kè tanaphû̌ sò̌lǐ̤nu dě asînî̌, kòyò tîwî̌tòwò khô̌ nǎ bǎ asî dǒ a gǔ ma̤si kòyòhǎkhû̌phû̌ sucôtôcô bǎ tôna̤rî akû, tôni̤ akû, tôla akû kû̌ tôně akû nupě. 16 Kli dǒ a dò̌ tîsî̌ tokhlǒ a ô̌dû̌wî̤ pwǐ tènu, he ganǎ̤de kòyò shôbǐǐ he kû̌ a ô̌ asě ginǐ̤rǐ.

17 Dǒ he ta̤kè̌shǐlṳ̌ nǎ akûnu he kè̌shǐ tîsî̌ tokhlǒ kû̌ pwa̤dò̌ tokhlǒ. Asî sô̌ lô̌khô jetě̤htò̌ tokhlǒ dǒ alî̤ sô̌sô̌kû̌ mî̌, dě a ǒphô lo̤kǐlò, htodě a bò sô̌sô̌kû̌ kabò dǒ kòyò kaǎ kû̌ Salaphanu. Tîsî̌ tokhlǒ a ikǒnu, asô̌sô̌kû̌ khî ikǒdû̌ dě dǒ tîsî̌ tokhlǒ agô̌kûnu, mî̌ kû̌ mî̌khǔ tokhlǒ kû̌ kabò hǎhtò̌ bò. 18 Mî̌gè̌htò̌, mî̌khǔhtò̌, kabò hǎhtò̌ dǒ tîsî̌ tokhlǒ agô̌kû. Dǒ ta̤nusucǒ ma̤jî̌ma̤jû̌ kòyò akhû̌akhî, kòyò si sucôtôcô. 19 Ma̤titèhî̌dě tîsî̌ tokhlǒ a ta̤pô̤ta̤pwǎ̤ dǒ a gǔ ma̤shakò nî̌, a ô̌ dǒ asî gô̌kû kû̌ agòmě̤lô̤. Agòmě̤ tokhlǒ nî̌ aikǒô̌, sô̌sô̌kû̌ wṳ̂̌ ikǒdû̌, dě a ma̤sha bò kòyò kû̌ agòmě̤.

20 Kòyò dǒ a ô̌ lò̤tò̤̌kè kû̌ ta̤shasiwě̤ ta̤ma̤jî̌ma̤jû̌ ata̤ tokhlǒnu, a ma̤ sělěpe a ta̤phû̌mò̤̌shǐhtô nutokhlǒ. A yò̤lǎ̤plǎdî̌kè lô̌khô anǎ̤ tô̤̌. Asî caba pepe lô̌khô khînǎkhîno, ta̤yô̤ta̤gî̌ dǒ kòyò ma̤kû̌ hta kû̌ ru kû̌ tili kû̌ lǒ̤ kû̌ sǒ dǒ a kè̌shǐjò, ganǎ̤dejò, a cû̌jòtô̤̌ nutokhlǒ. ^j 21 Htokhôtô̤̌ asî ata̤ma̤si kòyòhǎkhû̌phû̌, běkhû̌ ata̤ma̤ tokhlǒ, a ta̤cû̌sǔnṳ̌plěnṳ̌ pwa̤mǒ̤pwa̤khû kû̌ a ta̤ǎhǔ tokhlǒnu, a yò̤lǎ̤plǎdî̌ pe kû̌ kò tôkhò̌ tô̤̌.