Act 2:24-32 | KxfSCKXF | STEP | Bǎbǎkǎlè Cǒmara ma̤htûpwa̤ getîkhî sô̌ a dǒ ta̤si, dě a ma̤hǎplǎge lû̌û dǒ ta̤si a ta̤jî̌ta̤jû̌ alǎ̤, ma̤titèhî̌dě ta̤si amǒ̤pha pṳ̂̌měteglějò bǎ lû̌û tô̤̌.

Acts 2:24-32

24 Bǎbǎkǎlè Cǒmara ma̤htûpwa̤ getîkhî sô̌ a dǒ ta̤si, dě a ma̤hǎplǎge lû̌û dǒ ta̤si a ta̤jî̌ta̤jû̌ alǎ̤, ma̤titèhî̌dě ta̤si amǒ̤pha pṳ̂̌měteglějò bǎ lû̌û tô̤̌. ^a 25 Khwǐdawi̤ hî̌nǎ hto Khrǐ awe̤akè dě a hî̌ kû̌,

‘he kè̌shǐ Běcǎ ô̌ dǒ he lô̤mô̤̌ pṳ̂̌꤮ taplǎ hǒ. Cǒmara ô̌ dǒ he cǔtômû tôkhô akhû̌akhî, kòyò ma̤pò̤̌ma̤sha jò he tocǒ꤮ tô̤̌. ^b 26 Ma̤pô̤̌nudě he sǎphlǒmô̤ pṳ̂̌꤮ taplǎ dě bǎ he hî̌bǎ akha he hî̌bǎ còcè̌ kû̌ ta̤sǎlě̤sǎlò̤ hǒ. Htokhôtô̤̌ he nǎ̤glǒ nubǎbǎ, he ô̌htûpwa̤ kè̌shuǐ dǒ Cǒmara a ta̤olò̤ tokhlǒ akû pě. 27 He sǎlě̤sǎlò̤ jî̌jî̌, ma̤titèhî̌dě na wîtě̤kè he yôlahtûpwa̤ dǒ lṳ̌gǎnǎdo tô̤̌. Na nosonoûkè na kòyòplò̌shǐ nutôpwa̤ dǒ lṳ̌kû tô̤̌. 28 Na dǔlè̌lṳ̌ hto he klè̌ dǒ a sûcû̌ he dǒ ta̤htûpwa̤ nutôbô hǒ, na ô̌ kû̌ he akhû̌akhî he sǎlě̤sǎlò̤ jî̌le,’ ^c Phidawi̤ hî̌ pô̤̌nu.”

29 Dě Khûpetarǔ hî̌ sô̌ kû̌, “He pṳ̌wè̤̌ sî꤮, he gǔ shôbǐǐlṳ̌ bǎ sî kû̌ pa Phidawi̤ dǒ꤮ awǐnu tôpwa̤ awe̤akè. A si dě kòyò lǔǐ hto yǎ hǒ, dě alṳ̌khû̌nu a ô̌ pe bǎo tǒ̤lò̤ khònò̤̌ hǒ. 30 Phidawi̤ mî̌ piwi̤pèshè tôpwa̤. Cǒmara olò̤ hto lû̌û kû̌ dǒ akhlilè akla tôpwa̤nu, Cǒmara gǔ no htû yǎ kû̌ khwǐ dǒ agûlǎ̤ pě numî̌, a sî̌ganǎ̤ pwǎ. ^d 31 Phidawi̤ kè̌shǐnǎ kû̌ Cǒmara gǔ ma̤ta̤ pě akhû̌akhî, a hî̌bǎnǎ wǐ kû̌ Khrǐ dǒ Cǒmara rû̌htò̌ a kû̌ pwa̤ma̤ hǎplǎge kòyò nutôpwa̤ a ta̤si ihtǒ htûpwa̤ getîkhî awe̤akè dě a hî̌ kû̌, Cǒmara wîkèbǎ a dǒ lṳ̌gǎnǎdo tô̤̌. Htokhôtô̤̌ a nosonoûkè lû̌û tô̤̌. ^e 32 Cǒmara ma̤htûpwa̤ getîkhî hto Yeshǔ dǒ ta̤si. Dě pa lǒ̤bò tokhlǒ numî̌ pa htû bǎ yǎ pwa̤khòlṳ̌ dǒ pa gǔ shôbǐǐlṳ̌ bǎ kòyò kû̌ ata̤si ihtǒ gesô̌nu awe̤akè.