Luke 10:4-12
4Rukhûkhi bǎbǎ, khûkhikoyo bǎbǎ, khò̌phě bǎbǎ, phî̌cû̌nǐ̤ tǎ̤ tocǒ꤮ ta̤mǎ̤ nî̌꤮. Bǎ sî cû̌ dǒ klè̌lô̤ akhanu, cû̌ ô̌kǔ hî̌mô̤hî̌wô̌ tǎ̤ kòyò tôpwǎ̤꤮ ta̤mǎ̤ nî̌꤮. 5“Bǎ sî cû̌nṳ̌ dǒ hǐ tômèmè kû akhanu, hî̌wǐlǒ kû̌, ‘ta̤gûjû̌kabǎ ô̌ pû dǒ hǐ hǒtômè akû nî̌꤮!’ hî̌ lôkhô pô̤̌nu nî̌꤮. 6Kòyò dǒ a mô̤ ta̤pè̤̌ta̤dû kè̌ ô̌ bǎnu tôpwa̤ kè̌hî̌dě, a gǔ nǐ̤bǎ tûû̌ na hî̌mô̤hî̌wô̌ a ta̤pè̤̌ta̤dû nu pě. Kòyò dǒ a mô̤ǐ ta̤pè̤̌ta̤dû kè̌ ô̌tô̤̌ hî̌nu, na hî̌mô̤hî̌wô̌ a ta̤pè̤̌ta̤dû nî̌ a gǔ getîkhî sô̌tû̌ dǒ na ô̌pě. 7Ô̌ bǎ hǐnu tômè akû dě hǐběcǎ dǐǎdǐô sî titètè̌꤮ bǎbǎ, tûlû̌ ǎ lô̌khô, ma̤titè̌hî̌dě pwa̤ma̤ta̤phû̌ tôpwa̤ nî̌ a tôbǎ nǐ̤ akhû̌akǎ. Cû̌lèhǎmôô̌ tǎ̤ kòyòhǐ tômè hto tômè tǎ̤mǎ̤ nî̌꤮. a 8“Sî cû̌nṳ̌ dǒ wî̤̌ tôwî̤̌wî̤̌ akû bǎkhò̌tè̌꤮ bǎbǎ nu, kòyò kè̌ kaǎshǔ sî kè̌hî̌dě, kòyò dǐǎ sî titètè̌꤮ bǎbǎ nu, tûlû̌ ǎ lô̌khô. 9Ma̤hǎmǎ bǎ kòyò dǒ ashǐasha bǎ wî̤̌nu tôwî̤̌ akû nu. Dě shôbǐǐ bǎ kòyò ô̌ bǎnu tokhlǒ kû̌, ‘Cǒmara glè̌ pǒshipǒgǎ alṳmṳ̌ni̤ lṳmṳ̌sa nî̌ a hètǒ̤phǔ kû̌ sî hǒ.’ 10Bǎbǎkǎlè bǎ sî cû̌nṳ̌ dǒ wî̤̌ tôwî̤̌wî̤̌kû akhanu, kòyò kè̌ kaǎmô̤shǔ sî tô̤̌ kè̌hî̌dě, cû̌ dǒ klè̌dû̌kûnu, dě cû̌ hî̌ kû̌, b 11‘Sî wî̤̌kû hǎgumṳ̌ dǒ awǐ pa khǎlǎlô̤ nu, pa tèdè̌lò̤tě̤ bǎ sî hǒ. Pa sǎyṳ nosî̌ya sî kû̌ pa bè̌kè sî hǒ. Bǎbǎkǎlè to̤mǎǐ lô̌khô kû̌ Cǒmara glè̌ pǒshipǒgǎ alṳmṳ̌ni̤ lṳmṳ̌sa nî̌ a hètǒ̤phǔ hǒ.’ c 12He hî̌ sî, bǎ Cǒmara cî̌htò̌ kòyòhǎkhû̌phû̌ pě akhanu, a gǔ gwèbǎǐ wî̤̌ hǒtôwî̤̌꤮ a gwèbǎǐ khlo kǎ Wî̤̌sadû d nu pě. e
Copyright information for
KxfSCKXF