Luke 23:50-56
Kòyò lǔ Yeshǔ.
(Matè̌ 27:57-61; Makǔ 15:42-47; Yṳ̂ha 19:38-42)
50– 51Kòyò dǒ ami̤ kû̌ Khûyṳ̂tǎ ô̌ tôpwa̤. A ô̌ dǒ wî̤̌ Arǐmatè̌, Yǔda gǎkû. A mî̌ kòyòwô̌, kòyòcǒtè̤ dǒ a ô̌pǒ̤kè̌ǐ Cǒmara ashiagǎ glè̌ hè pě tôpwa̤. A mî̌ a ô̌pa dô̌ gû̌ dǒ kòyò ikǒlǒkò aprṳ̂aphǎ tôpwa̤ bǎbǎkǎlè bǎ kòyò olò̤ bò kû̌ kòyò glè̌ cî̌htò̌ Yeshǔ akhanu, a olò̤ padô̌ kû̌ kòyò tô̤̌. 52A cû̌ dǒ Khwǐpǐlǎ a ô̌ dě a cû̌kwi Yeshǔ alṳ̌tṳ̂̌. 53Htodě a cû̌ jotě̤ Yeshǔ a lṳ̌tṳ̂̌ dǒ nò̌dò̌htǔ alô̤ dě a bôbǐ lû̌û kû̌ hugò̌pwǐ bôplî pwî̤dû̌ tôpṳ htodě a cû̌bè̌nṳ̌ lû̌û dǒ lṳ̌kû dǒ kòyò khǔkûsa lû̌û dǒ khôlôlô̤ dǒ kòyò bè̌ kû̌ lṳ̌ tôplǎ khôtô̤̌ nu tûkû. 54Mǒni̤ nutôni̤ mî̌ mô̤yè̤̌ni̤ dǒ kòyò tîwî̌tòwò nǎ lô̌khô Yṳ̌daphû̌ a lṳmṳ̌dǔ aya. Yṳ̌daphû̌ a lṳmṳ̌dǔ phǔhètǒ̤hǒ. 55Pwa̤mǒ̤ ô̌ dǒ Galilè̤̌gǎ dě a gû̌ hè kû̌ Yeshǔ akò nu, a gû̌ hè kû̌ Khûyṳ̂tǎ dě a kè̌nǎ kòyò lǎ̤bè̌nṳ̌ Yeshǔ agûlǎ̤ hǒtûkû. 56Htodě asî getîkhî dǒ hǐ, a ge tîwî̌tòwò nǎ lô̌khô shinumû̌ kû̌ mǔra dǒ a glè̌ hè plṳ̌ bǎ lô̌khô kû̌ lṳ̌tṳ̂̌ aya. Bǎbǎkǎlè bǎ Yṳ̌daphû̌ a lṳmṳ̌dǔ nutini̤nu, Yṳ̌daphû̌ tokhlǒ a ta̤mǎlò̤ ô̌ kû̌ asî bǎ ô̌kǔ akhû̌akhî, asî ô̌kǔ bò lô̌khô. a
Copyright information for
KxfSCKXF