Luke 6:20-23
Ta̤sǎlě̤sǎlò̤ kû̌ ta̤sǎplǎ̤
(Matè̌ 5:1-12)
20Yeshǔ kè̌wô̌kè̌bǎ dǒ akhôphijǎ sî dě a hî̌ asî kû̌, “Sî dǒ a shèphǔshèwè̤nu, Cǒmara ǐshowî̤ mè̤̌mî̌ca sî hǒ, ma̤titè̌hî̌dě Cǒmara shilǎ̤gǎkû numî̌ kòyò pô̤̌nutokhlǒ ata hǒ. 21Sî dǒ a sǎǎsǎô khònò̤̌ tokhlǒnu, Cǒmara ǐshowî̤ mè̤̌mî̌ca sî hǒ, ma̤titè̌hî̌dě Cǒmara dǐ ǎkǒôbe sî pě! Sî dǒ a hǎ khònò̤̌ tokhlǒnu, Cǒmara ǐshowî̤ mè̤̌mî̌ca sî hǒ, ma̤titè̌hî̌dě sî gǔ sǎyǎ̤bǎ pě! 22Sî yṳ̌ǎ Kòyòphû̌khû mî̌ he akhû̌akhî dě kòyò sǎkhî̌ sî, kòyò kaǎmô̤shǔ sî tô̤̌, kòyò pîjî̌ǐsho sî dě kòyò hî̌ phû̌mò̤̌ sî akhû̌akhî, sî gǔ nǐ̤bǎ mè̤̌mî̌ca ta̤ǐshowî̤ hǒ. a 23“Ma̤titèhî̌dě asî aphiaphu dǒ꤮ awǐnu tokhlǒnu, a ma̤jî̌ma̤jû̌ htobò piwi̤pèshè tokhlǒ pô̤̌nu hǒ. Bǎ sî kè̌shǐ hto pô̤̌nu pě akhanu, sǎlě̤sǎlò̤ lô̌khô nî̌꤮. Sǎlě̤pô̤̌pû dě kalî̌ lô̌khô nî̌꤮, ma̤titè̌hî̌dě dǒ sîyanu, Cǒmara ǐnǎ hto sî ta̤ma̤nǐ̤khû̌kǎ dǒ mǒkhû̌ nu adû̌ mè̤̌mî̌cǎ. b
Copyright information for
KxfSCKXF