Luk 6:32-36 | KxfSCKXF | STEP | “Sî kè̌ mô̤ǐ pwǎtǒ̤ kòyò dǒ a mô̤ǐ sî nutokhlǒ pwǎ kè̌hî̌dě kòyò htû̌sò̌htò̌ nô̌ sî tôpwǎ̤꤮ tô̤̌. Pwa̤ma̤sǔphû̌ tokhlǒ pwǎ dě amô̤ǐ geshî̌shu sô̌sô̌kû̌ kòyò dǒ a mô̤nǐ̤ lû̌û nutokhlǒ pô̤̌nu hǒ.

Luke 6:32-36

32 “Sî kè̌ mô̤ǐ pwǎtǒ̤ kòyò dǒ a mô̤ǐ sî nutokhlǒ pwǎ kè̌hî̌dě kòyò htû̌sò̌htò̌ nô̌ sî tôpwǎ̤꤮ tô̤̌. Pwa̤ma̤sǔphû̌ tokhlǒ pwǎ dě amô̤ǐ geshî̌shu sô̌sô̌kû̌ kòyò dǒ a mô̤nǐ̤ lû̌û nutokhlǒ pô̤̌nu hǒ. 33 Dě sî kè̌ ma̤wô̌ pwǎ kòyò dǒ a ma̤wô̌ sî nutokhlǒ pwǎ kè̌hî̌dě kòyò htû̌sò̌htò̌ nô̌ sî tôpwǎ̤꤮ tô̤̌. Pwa̤ma̤sǔphû̌ tokhlǒ pwǎ dě a ma̤wô̌ geshěshu sô̌sô̌kû̌ kòyò dǒ ama̤wô̌ asî nutokhlǒ pô̤̌nu hǒ. 34 Dě sî kè̌ dǐbǒ pwǎ sî tě̤ta̤ kû̌ kòyò dǒ sî kè̌shuǐ dǒ sî gǔ nǐ̤bǎ gesô̌ sî tě̤ta̤ dǒ a ô̌ nutokhlǒ pwǎ kè̌hî̌dě kòyò htû̌sò̌htò̌ nô̌ sî tôpwǎ̤꤮ tô̤̌. Pwa̤ma̤sǔphû̌ tokhlǒ pwǎ dě a dǐbǒ atě̤ta̤ kû̌ pwa̤ma̤sǔphû̌ dǒ asî kè̌shuǐ kû̌ a gǔ nǐ̤bǎbò̌ gesô̌ lû̌û pěnu tokhlǒ a ô̌, sô̌sô̌kû̌ pô̤̌nu pwǎ. 35 Tôbǎ ma̤ pô̤̌nu tô̤̌! Mô̤nǐ̤ lô̌khô kòyò sǎkhě sî nutokhlǒ dě ma̤wô̌bǎ asî nu. Dǐbǒ ta̤ dě kè̌shuǐ kû̌ nǐ̤bǎ gesô̌ tǎ̤ ta̤tocǒ tǎ̤mǎ̤. Sî kè̌ ma̤pô̤̌nu kè̌hî̌dě Cǒmara gǔ ǐshowî̤shôwô̌ sî pě, sî kè̌ dǐbǒ kòyò dě sî gǔ kè̌shuǐ kû̌ nǐ̤bǎ gesô̌ ta̤ tocǒ tô̤̌ numî̌ kòyò gǔ kè̌shǐ sî kû̌ ta̤dû̌ta̤htû Cǒmara phû̌mǒ̤phû̌khû sîtokhlǒ pě, ma̤titè̌hî̌dě Cǒmara ma̤wô̌shǔ kòyò dǒ a sî̌ganǎ̤ ge kòyòbwǐsîrî tô̤̌ nutokhlǒ kû̌ kòyò dǒ ajî̌phǔmò̤̌ tûû̌ nutokhlǒ. 36 Sî bǎ gwèbǎǐ kòyò pô̤̌khô sîpha Cǒmara gwèbǎǐ kòyò nu.