Mar 1:21-28 | KxfSCKXF | STEP | Htodě Yeshǔ kû̌ akhôphijǎ tokhlǒ cû̌tǒ̤ dǒ Wî̤̌kaperanò̤ dě bǎ Yǔdaphû̌ lṳmṳ̌dǔ tini̤nu, a cû̌nṳ̌ dǒ ta̤cabahǐkû dě a cû̌nṳ̌ sû̌ǐtòwòǐ bǎ kòyò bǎnu.

Mark 1:21-28

Yeshǔ wṳ̂̌hǎhtò̌pè̤̌kè khînǎkhîno ô̌ dǒ kòyòlô̤

(Lǔka 4:31-37)

21 Htodě Yeshǔ kû̌ akhôphijǎ tokhlǒ cû̌tǒ̤ dǒ Wî̤̌kaperanò̤ dě bǎ Yǔdaphû̌ lṳmṳ̌dǔ tini̤nu, a cû̌nṳ̌ dǒ ta̤cabahǐkû dě a cû̌nṳ̌ sû̌ǐtòwòǐ bǎ kòyò bǎnu. 22 Dě kòyò tokhlǒ ǒò̌ kiti̤kaa bò Yeshǔ a ta̤sû̌ǐtòwòǐ nutokhlǒ. A sû̌ǐtòwò sô̌sô̌kû̌ kòyò dǒ a ô̌ kû̌ a ta̤siwi̤sòwò̤ nutokhlǒ sû̌ǐ nutô̤̌ a sû̌ǐ khô̌ kû̌ pwa̤sû̌ǐ ta̤sû̌ta̤tòwò asara nutokhlǒ. ^a 23 Bǎnukha kòyòpha dǒ khînǎ ma̤bǎ yǎ tôpwa̤nu, a hènṳ̌ sumṳ̌htò̌ dǒ ta̤cabahǐkû. 24 Dě a yî̤̌gǔhtò̌ kû̌, “Ǒ Wî̤̌na̤sôrè̤̌phû̌ Yeshǔ, na sǎyṳ ma̤ pa hî̌tè? Na glè̌ hè ma̤pî̌ma̤lṳ̂̌ ma̤si mè̤mè̤̌ kèbò pa pěya? Na mî̌ mò̌pè numî̌ he sî̌ya pwǎ, na mî̌ Cǒmara aphû̌khû plò̌shǐ tôpwa̤.”

25 Bǎbǎkǎlè Yeshǔ sǎhtǎ shěshǔ khînǎkhîno kû̌, “Sǔtukǔ ô̌ mò̌ lô̌khô, hǎhtò̌kèmò̌ dǒ kòyòpha nutôpwa̤ akûnu.” 26 Dě khînǎkhîno ô̌ dǒ pwa̤khû tôpwa̤ akû tôdo nî̌ a yî̤̌kǒyî̤̌sa cî̌tî̤gî̌tugu dě a hǎhtò̌cû̌kè dǒ pwa̤khû nutôpwa̤ akû.

27 Kòyò lǒ̤bò ô̌bǎ ta̤cabahǐkû nutokhlǒ ǒò̌ kiti̤kaa bòkè dě a hî̌ ǐtû̌ kè̌khî lû̌û kû̌, “Hǒomî̌ titèya? Hǒomî̌ ta̤sû̌ǐtòwòǐ asa ya? Asô̌sô̌kû̌ a ô̌ kû̌ a ta̤siwi̤sòwò̤dû̌ nu. A hî̌bǎhtò̌ pwǎ ayô̤̌ kû̌ a wṳ̂̌htò̌cû̌kè khînǎkhîno phû̌mò̤̌ tokhlǒ pwǎ dě a ganǎ̤de jò̌꤮ lû̌ûyô̤̌,” asî hî̌ pô̤̌nu. 28 Hǒtaplǎdě Yeshǔ awe̤akè mi̤lṳ̌hǔsǎ cû̌phwè bò dǒ Galilè̤̌gǎ kû nu pṳ̂̌꤮ tûkû.