Mar 1:40-45 | KxfSCKXF | STEP | Htodě kòyò dǒ ta̤sha akrôǎ ô̌ dǒ bělô̤ ô̌ tôpwa̤, dě a hè dô̌gîni̤lò̤ dǒ Yeshǔ alô̤mô̤̌ dě a kwisǎyṳhtò̌ lû̌ kû̌, “Na kè̌ sǎphlǒô̌ ma̤hǎmǎbǎ he ta̤sha numî̌ na ma̤bǎ jò pwǎ,” a hî̌ lû̌ pô̤̌nu.

Mark 1:40-45

Yeshǔ ma̤hǎmǎbǎ kòyòpha dǒ a ta̤sha akrôǎ ô̌ dǒ bělô̤ tôpwa̤

(Matè̌ 8:1-4; Lǔka 5:12-16)

40 Htodě kòyò dǒ ta̤sha akrôǎ ô̌ dǒ bělô̤ ô̌ tôpwa̤, dě a hè dô̌gîni̤lò̤ dǒ Yeshǔ alô̤mô̤̌ dě a kwisǎyṳhtò̌ lû̌ kû̌, “Na kè̌ sǎphlǒô̌ ma̤hǎmǎbǎ he ta̤sha numî̌ na ma̤bǎ jò pwǎ,” a hî̌ lû̌ pô̤̌nu.

41 Yeshǔ gwèbǎǐ lû̌û, htodě ayṳ̂̌hè acǔde dě a tô̌bǎhto lû̌û dě a hî̌ lû̌ kû̌, “He sǎphlǒô̌ pwǎ,” a hî̌ htodě “Ta̤sha, hǎmǎkèmò̌!,” a hî̌ pô̤̌ pô̤̌nu. 42 Hǒtaplǎnu, taplǎnô̤̌ kòyòpha nutôpwa̤ ta̤sha akrôǎ nu abǎkè dě aphěayî̌ aplîsîlî̌ gesô̌.

43 Dě Yeshǔ plûcû̌kè yǎ tôplǎnô̤̌ dě a mǎtě̤tě̤mè̤̌mè̤̌ cû̌nṳ̌ ayô̤̌ kû̌, 44 “Shôbǐǐlṳ̌ bǎ tǎ̤ kòyò tôpwǎ̤ tǎ̤mǎ̤ nî̌꤮. Cû̌ dǔlè̌lṳ̌kè nanǎ̤nu dǒ pwa̤shû̌gǎ nutôpwa̤ a ô̌ nu nî̌꤮, htodě pô̤̌khô kòyò pṳ̂̌꤮ tôpwa̤ gǔ kè̌shǐ ayanu, lṳhtò̌ ta̤lṳta̤tòhtò̌ pô̤̌ Khûmṳ̂shě a ta̤mǎlò̤ ô̌nu nî̌,” a mǎcû̌nṳ̌ ayô̤̌ pô̤̌nu. ^a 45 Bǎbǎkǎlè a hǎhtò̌cû̌ shôbǐǐlṳ̌ bǎ bò kòyò akhû̌akhî, Yeshǔ cû̌nṳ̌ lṳ̌ lîtîklî̌ pe dǒ wî̤̌kû tô̤̌, a bǎ cû̌ô̌ pwǎ dǒ wî̤̌khlo dǒ gûlǎ̤sǔtukǔ tokhlǒnu pwǎ htokhôtô̤̌dě kòyò ô̌ dǒ gûlǎ̤ pṳ̂̌tûkû hètǒ̤ bò dǒ aô̌.