Mar 14:17-21 | KxfSCKXF | STEP | Bǎ lṳmṳ̌khǐpô̤lô̤̌ akhanu, Běcǎ kû̌ akhôphijǎ shǐsò̌ginǐ̤ hètǒ̤ bǎnu.

Mark 14:17-21

17 Bǎ lṳmṳ̌khǐpô̤lô̤̌ akhanu, Běcǎ kû̌ akhôphijǎ shǐsò̌ginǐ̤ hètǒ̤ bǎnu. 18 Bǎ asî hǎnòò̌ ǎshǎ akhanu, Yeshǔ hî̌ kû̌, “He hî̌cǒcǒ sî, khònò̤̌ a ǎcuôplǒ kû̌ he dǒ sî kla tôpwa̤pwa̤nu a glè̌ shaǎlò̤kè he pě.” ^a

19 Sahtò̌ bǎnu dě asî sǎphlǒmô̤ petô̤̌, dě asî gwè̌ Yeshǔ tôpwa̤ hto tôpwa̤ kû̌, “Na hî̌ hǒtôpwa̤ numî̌ he mè̤̌tô̤̌ yahî̌?” pô̤̌nu.

20 Yeshǔ hî̌shěshu asî kû̌, “Kòyò hǒtôpwa̤ numî̌ dǒ sî shǐsò̌ginǐ̤ aklanu pwǎ. A mî̌ a bǒnṳ̌ǎ plǒ mû̌ kû̌ he dǒ balěkû nutôpwa̤ hǒ. 21 Pô̤̌ lî̤plò̌shǐkû hî̌nǎ kû̌ Kòyòphû̌khû mî̌ he a bǎ si pě bǎbǎkǎlè kòyò dǒ a gǔ shaǎlò̤kè Kòyòphû̌khû nutôpwa̤ nî̌, Cǒmara gǔ cî̌htò̌ yǎ pě. A kè̌ ô̌phijǎlò̤ tô̤̌ numî̌ awô̌khlo bǎ lû̌ya.”