Matthew 22:34-40
Ta̤mǎlò̤ dǒ a lṳ̂dû̌lǒ
(Makǔ 12:28-34; Lǔka 10:25-28)
34Pharishè̌phû̌ tokhlǒ ganǎ̤de kû̌ Sadukè̌phû̌ tokhlǒ hî̌tîkhî shěshubò̌ Běcǎ Yeshǔ tômṳ̂̌꤮ tô̤̌, dě Pharishè̌phû̌ tokhlǒ kaǎô̌plǒ hî̌bǎcu ǐtûû̌ kè̌khî lû̌û. 35Dǒ asî aklanu, a sî̌ganǎ̤ lǒlǒbebebò Yǔdaphû̌ a ta̤mǎlò̤nu a ô̌tôpwa̤ dě a hè gwè̌khô̌ kè̌kè̌ Běcǎ Yeshǔ kû̌, 36“Sara, ta̤mǎlò̤ a ta̤sû̌ta̤tòwò akla tokhlǒ numî̌ bǎtè tômû dě a lṳ̂dû̌lǒ ya?” 37Běcǎ hî̌shěshu getîkhî kû̌, “‘Mô̤ lǒ̤sû̌lǒ̤sò̌ sî Cǒmara kû̌ sî sǎphlǒ lǒ̤꤮ bò, mô̤ lǒ̤sû̌lǒ̤sò̌ a kû̌ sî ta̤ô̌htûpwa̤ lǒ̤꤮ bò, mô̤ lǒ̤sû̌lǒ̤sò̌ a kû̌ sî ta̤gènè̤ lǒ̤꤮ bò.’ a 38Hǒomî̌ ta̤mǎlò̤ dǒ a lṳ̂dû̌lǒ tômû hǒ. 39Ginǐ̤mûtômû mî̌, a sô̌sô̌ kû̌ awǐ nu tômû hǒ, ‘mô̤ǐ kòyò dǒ a ô̌phǔ kû̌ sî nutokhlǒ pô̤̌ sî mô̤ǐlò̤ tûû̌ sînǎ̤nu.’ b 40Lǒ̤bò Khûmṳ̂shě kû̌ piwi̤pèshè sîtokhlǒ a ta̤sû̌ta̤tòwò a kòshî̌ tokhlǒnu agètè̤ bò dǒ ta̤mǎlò̤ hǒoginǐ̤mû alô̤ pwǎ.” c
Copyright information for
KxfSCKXF