Mat 24:23-28 | KxfSCKXF | STEP | Bǎnuakhapěnu, kòyò tôpwa̤pwa̤ kè̌ hî̌ kû̌, ‘na hè kè̌mò̌, Khrǐ ô̌ bǒo,’ mè̤̌tô̤̌mî̌ ‘a ô̌ dǒnu,’ a gǔ hî̌ sî pô̤̌nu pě bǎbǎkǎlè yṳ̌ǎ tǎ̤ lô̌khô tǎ̤mǎ̤ nî̌꤮.

Matthew 24:23-28

23 Bǎnuakhapěnu, kòyò tôpwa̤pwa̤ kè̌ hî̌ kû̌, ‘na hè kè̌mò̌, Khrǐ ô̌ bǒo,’ mè̤̌tô̤̌mî̌ ‘a ô̌ dǒnu,’ a gǔ hî̌ sî pô̤̌nu pě bǎbǎkǎlè yṳ̌ǎ tǎ̤ lô̌khô tǎ̤mǎ̤ nî̌꤮. 24 Ma̤titèhî̌dě pwa̤jî̌ lòhô pô̤̌ khrǐnu kû̌ pwa̤jî̌ lòhô pô̤̌ piwi̤pèshè sî tokhlǒnu a gǔ ô̌htò̌ dû̌wî̤ pě. Asî gǔ ma̤lṳ̌ jò bǎ kòyò ta̤ dǒ a ǒò̌ kiti̤kaa kòyò nutokhlǒ kû̌ ta̤cô̌klǐcô̌sè tokhlǒ pě. A kè̌ ma̤jò hǒnumî̌ a sǎyṳ lô̌ǐplò̤ǐ kòyò dǒ Cǒmara kaǎ rû̌htò̌ nutokhlǒ hǒ. 25 Ta̤ma̤anǎ̤ hǒtokhlǒ hètǒ̤ khôtô̤̌ akhanu, he dǐsè̌rè̌ nǎ sî hǒ.

26 “Pô̤̌nudě kòyò tôpwa̤pwa̤ kè̌ hî̌ sî kû̌, ‘cû̌kè̌ lô̌khô mò̌, Me̤shǐya ô̌dǒ lǒ̤mî̌shô̌kla khû̌nu,’ a kè̌ hî̌ sî bǎbǎkǎlè cû̌kè̌ lô̌khô tǎ̤mǎ̤ nî̌. Mè̤̌tô̤̌mî̌ a kè̌ hî̌ sî kû̌, ‘a ô̌ bǎ hǐdǒkû pwǎ,’ a kè̌ hî̌ bǎbǎkǎlè yṳ̌ǎ tǎ̤mǎ̤mǎ̤. ^a 27 Ma̤titèhî̌dě pô̤̌ shî̌lî̌bǒ rakhahtò̌ dǒ gǎ lṳmṳ̌htò̌ dě kòyò ô̌ dǒ gǎlṳmṳ̌nṳ̌ tokhlǒ kè̌shǐhtò̌nu, kòyòphû̌khû mî̌ he gǔ hè pě mî̌ a sô̌sô̌ pô̤̌nu pě. 28 Ta̤sota̤û ô̌tô bǎtènu lě̤dû̌ ô̌tewe̤plǒ bǎnu pě.” ^b