Mat 24:36-44 | KxfSCKXF | STEP | “Bǎbǎkǎlè ta̤hǒo tokhlǒ gǔ htûhtò̌ lṳmṳ̌ni̤ lṳmṳ̌sa, ashěakhǎ bǎkhò̌tè pěnu kòyò sî̌ganǎ̤ tôpwǎ̤꤮ tô̤̌. Mǒkhû̌tanaphû̌ ô̌ dǒ mǒkhû̌ nutokhlǒ bǎbǎ a sî̌ganǎ̤ tô̤̌. Aphû̌khû kû̌ anǎ̤ nutôpwa̤ bǎbǎ, a sî̌ganǎ̤ tô̤̌tô̤̌. A sî̌ganǎ̤ pwǎtǒ̤ hepha tôpwa̤꤮ nô̤̌pwǎ.

Matthew 24:36-44

Běcǎ Yeshǔ hèpě a lṳmṳ̌ni̤ lṳmṳ̌sa numî̌ kòyò sî̌ganǎ̤ tôpwǎ̤꤮ tô̤̌

(Makǔ 13:32-37; Lǔka 17:26-30, 17:34-36)

36 “Bǎbǎkǎlè ta̤hǒo tokhlǒ gǔ htûhtò̌ lṳmṳ̌ni̤ lṳmṳ̌sa, ashěakhǎ bǎkhò̌tè pěnu kòyò sî̌ganǎ̤ tôpwǎ̤꤮ tô̤̌. Mǒkhû̌tanaphû̌ ô̌ dǒ mǒkhû̌ nutokhlǒ bǎbǎ a sî̌ganǎ̤ tô̤̌. Aphû̌khû kû̌ anǎ̤ nutôpwa̤ bǎbǎ, a sî̌ganǎ̤ tô̤̌tô̤̌. A sî̌ganǎ̤ pwǎtǒ̤ hepha tôpwa̤꤮ nô̤̌pwǎ. 37 Pô̤̌ a htûhtò̌ dǒ Phanṳ̂̌a htukhanu, Kòyòphû̌khû mî̌ he gǔ hèlò̤pě akhanu, a gǔ htûhtò̌ sô̌sô̌kû̌ pô̤̌nu pě. 38 Ma̤titèhî̌dě bǎ shidû̌bǐ hètǒ̤ khôtô̤̌ akhanu, kòǎkòô, khòmò̤̌ lû̌û tǒ̤dǒ bǎ Phanṳ̂̌a nṳ̌ dǒ sǒkhlidû̌kû nutôni̤. ^a 39 Ta̤ glè̌ htûhtò̌ pô̤̌o pěnu, tǒ̤dǒ bǎ shihè dû̌bǐ sikè bò hto asî akhanu, a sî̌ganǎ̤ lô̌khô tocǒ꤮ tô̤̌. Htû̌ Kòyòphû̌khû mî̌ he glè̌ hè pě akhanu, a gǔ htûhtò̌ sô̌sô̌kû̌ pô̤̌nu pě. ^b 40 Bǎnuakhapě, pwa̤khû sò̌ginǐ̤ dǒ a ma̤ wô̤̌wô̤̌ lû̌û ta̤ dǒ hǔklakhû̌nu, tôpwa̤ dě kòyò gǔ kaǎgekè yǎ pě, tôpwa̤ dě a gǔ ô̌kè pě. 41 Pwa̤mǒ̤ shěto̤ lû̌û bǔjû̌ sò̌ginǐ̤nu, Cǒmara gǔ kaǎgekè a tôpwa̤ pě. Tôpwa̤dě a gǔ dǐô̌kè lû̌û pě.

42 “Ma̤pô̤̌nudě ô̌sòklò lô̌khô, ma̤titè̌hî̌dě sîběcǎ gǔ hè bǎtè tôni̤ pěnu sî sî̌ganǎ̤ tô̤̌. 43 Bǎbǎkǎlè sî̌gǎnǎ̤ lô̌khô kû̌, hǐběcǎ kè̌ sî̌ganǎ̤ kû̌ pwa̤ǎhǔ glè̌ hè ashěakhǎ bǎkhòtè pě hî̌nu, a gǔ ô̌pǒ̤shěshu pě dě pwa̤ǎhǔ hènṳ̌ ǎhǔjòtô̤̌. ^c 44 Pô̤̌nu akhû̌akhî, sî hǒtokhlǒnu bǎbǎ, ô̌tîwî̌tòwò nǎ lô̌khô sînǎ̤ nî̌, ma̤titè̌hî̌dě shěkhǎ bǎ sî gènè̤tǒ̤ tô̤̌ pěnu, Kòyòphû̌khû mî̌ he gǔ hè pě.