Mat 26:6-13 | KxfSCKXF | STEP | Bǎ Běcǎ Yeshǔ ô̌ dǒ do Betanǐ, Khûshǐmṳ̂ dǒ ta̤shakrôǎ bǎ yǎ dǒ bělô̤ nutôpwa̤ ahǐkû dě a ǎdî akhanu,

Matthew 26:6-13

Kòyò lò̌lò̤ shinumû̌ dǒ Yeshǔ a ikǒlô̤ bǎ do Betanǐ dokû

(Makǔ 14:3-9; Yṳ̂ha 12:1-8)

6 Bǎ Běcǎ Yeshǔ ô̌ dǒ do Betanǐ, Khûshǐmṳ̂ dǒ ta̤shakrôǎ bǎ yǎ dǒ bělô̤ nutôpwa̤ ahǐkû dě a ǎdî akhanu, 7 Pwa̤mǒ̤ tôpwa̤ hè dǒ aô̌ dě a phǐhèǐ pò̤̌ dǒ kòyò ma̤ yǎ kû̌ lǒ̤bû dǒ a ô̌be kû̌ shinumû̌ lě̤dû̌pwî̤htû tôpò̤̌ dě a hè lò̌lò̤ dǒ Běcǎ Yeshǔ a ikǒlô̤. ^a

8 Bǎ akhôphijǎ tokhlǒ kè̌shǐ akhanu, a sǎphlǒdû̌ dě a gwè̌ lû̌û kû̌, “Cû̌ ma̤bò tônô̤kè yǎ ma̤titè? 9 Kè̌ shaǎ shinumû̌ numî̌ alě̤dû̌pwî̤htû dě nǐ̤bǎ runu ǐ kû̌ kòyò pwa̤hǎwǐ̤shèwè̤phû̌ nukò̌.”

10 Běcǎ Yeshǔ sî̌ganǎ̤ akhû̌akhî, a hî̌ asî kû̌, “Sî cû̌ ma̤dǐdò pwa̤mǒ̤ nutôpwa̤ ma̤titè? A ma̤ta̤ numî̌ awô̌ jî̌ dǒ heya hǒ. 11 Kòyò hǎwǐ̤shèwè̤phû̌ tokhlǒ ô̌plǒ kû̌ sî pṳ̂̌꤮ taplǎ bǎbǎkǎlè he dě he ô̌ sayè̤ nô̌ kû̌ sî tô̤̌. ^b 12 Bǎ a lò̌lò̤ shinumû̌ dǒ he nǎ̤lô̤ akha numî̌, amè̤̌kû̌ a tîwî̌ nǎ hto he dǒ kòyò gǔ lǔlò̤ he dǒ lṳ̌kû pěnu hǒ. 13 He hî̌cǒcǒ꤮ sî, htû̌ kòyò cû̌ shôbǐǐlṳ̌ ta̤sǎlě̤we̤kènu dǒ hǎkhû̌ hǒtôbǎ bǎtè tûkû pě bǎbǎ, kòyò gǔ gènè̤htò̌ to̤bǎǐ a pě dě kòyò gǔ dǔlè̌lṳ̌ ta̤ dǒ a ma̤hto ta̤nu pě.”