Matthew 27:32-44
Kliphû̌ tokhlǒ htǎsihtò̌ Yeshǔ dǒ nò̌dò̌htǔlô̤
(Makǔ 15:22-32; Lǔka 23:27-42; Yṳ̂ha 19:17-27)
32Bǎ asî hǎhtò̌cû̌ akhanu, a kè̌shǐ Kurene wî̤̌phû̌ dǒ ami̤ kû̌ Khûshǐmṳ̂ nutôpwa̤ dě kliphû̌ tokhlǒ noò̌ kudǔdǔ lû̌û kû̌ Yeshǔ nò̌dò̌htǔ. 33Asî cû̌ dǒ gûlǎ̤ tûkû dǒ kòyò kaǎ kû̌ Gòlǎgòtǎ nutûkû. (Gòlǎgòtǎ yô̤̌mûyô̤̌sǎ mî̌ ikǒkhwǐ agûlǎ̤). 34Bǎnu akhanu, asî dǐô lû̌û shisî̌yô̤̌ dǒ a toklosada kû̌ ta̤khû̌khǎ tocǒ dǒ kòyò kaǎ kû̌, “Gòlî̤” Dě Yeshǔ lî̌ kè̌bǎ tônô̤ dě a sǎôtô̤̌. a 35Bǎ asî ma̤sihtò̌ hto Yeshǔnu, asî bèphî̌ wô̤̌wô̤̌ lû̌ Yeshǔ aje tokhlǒ. Bǎ asî ǐbèpè̤̌ lû̌û nò̌khôtô̤̌ akhanu, asî bǒ lô̌khô ta̤bèbwǐ tocǒ, ma̤titè̌hî̌dě a bǒ tôpwa̤ hto tôpwa̤, dě a lò̤tě̤tô bǎtè tôpwa̤ tô phî̌ bǎtè tôkhônu, jû̌ tûû̌ abwǐ lò̤tě̤tô pwǎ. b 36Htodě asî hǎnòò̌lò̤ lô̌khô dě a ô̌pǒ̤kè̌ Yeshǔ. 37Dǒ a khû̌cônu, asî wě̤htò̌ lî̤ta̤sǔ tôplô kû̌, “A mî̌ Yeshǔ, Yǔdaphû̌ tokhlǒ akhwǐ.” 38Kòyò htǎsihtò̌kè kû̌ pwa̤phî̌sigwǐ yǒsaphǎ kòyò sò̌ginǐ̤, dǒ cǔtômû tôpwa̤ dǒ cǔcôcî̌ tôpwa̤. 39Kòyò dǒ a cû̌phǔgephǔ lô̌khô bǎ akòshî̌ nutokhlǒ nǒlò̤ lô̌khô a ikǒ, pîjî̌ǐsho dě a hî̌ lô̌khô lû̌û kû̌, c 40“Na hî̌ kû̌ na gǔ ma̤lò̤tě̤pro̤kè ta̤lṳhtò̌hô dě suni̤ akû na bô̌htò̌ bò̌ sô̌ pwǎ na hî̌ mè̤̌tô̤̌ya. Ma̤hǎplǎge tûû̌mò̌ nanǎ̤nu. Na kè̌ mè̤̌mî̌ca Cǒmara aphû̌khû hî̌dě hǎtě̤mò̌ dǒ nò̌dò̌htǔlô̤ nu ta.” d 41Pwa̤shû̌gǎ ikǒlǒkòdû̌ tokhlǒ kû̌ pwa̤sû̌ǐ ta̤sû̌ta̤tòwò asara tokhlǒ kû̌ ta̤cubucaba a ikǒlǒkòdû̌ tokhlǒ hî̌takǎ sô̌sô̌ bò lû̌û pô̤̌nu kû̌, 42“A ma̤hǎplǎge jò kòyò yôla htûpwa̤ bǎbǎkǎlè a ma̤hǎplǎge jò tûû̌ anǎ̤tô̤̌ kǎ. A mî̌ Isôrěla akhwǐ yahě. Nohǎtě̤ mò̌ a dǒ nò̌dò̌htǔlô̤nu, dě pa gû̌ yṳ̌nǐ̤nǎ̤nǐ̤ yǎpě. 43A yṳ̌ǎ Cǒmara yahě. Cǒmara kè̌ sǎphlǒô̌ lû̌û hî̌dě noma̤hǎplǎge mò̌ lû̌û khònò̤̌ bǒo ma̤titè̌hî̌dě a hî̌ ǐ anǎ̤ kû̌, ‘he mî̌ Cǒmara aphû̌khû’ pwǎnî̌꤮.” e 44Pwa̤pǒ̤sigwǐ yǒsaphǎ kòyò dǒ kòyò ma̤sihtò̌ kû̌ Yeshǔ hǒo sò̌ginǐ̤nu a pîjî̌ǐsho lû̌û pô̤̌nuhǒ.
Copyright information for
KxfSCKXF