Mat 4:12-17 | KxfSCKXF | STEP | Bǎ Yeshǔ ganǎ̤de kû̌ kòyò pṳ̂̌ dǒlò̤tě̤ Khûyṳ̂ha dǒ apô̤kû akhanu, a getîkhîsô̌ dǒ Galilè̤̌gǎ.

Matthew 4:12-17

Yeshǔ sahtò̌ ma̤ a ta̤ma̤ dǒ Galilè̤̌gǎ

(Makǔ 1:14-15; Lǔka 4:14-15)

12 Bǎ Yeshǔ ganǎ̤de kû̌ kòyò pṳ̂̌ dǒlò̤tě̤ Khûyṳ̂ha dǒ apô̤kû ^{▼▼apô̤ mî̌ tokhlǒkhlǒ dě a hî̌ kû̌ hto.} akhanu, a getîkhîsô̌ dǒ Galilè̤̌gǎ. ^b 13 A hǎhtò̌cû̌kè kû̌ Wî̤̌na̤sôrè̤̌ dě dǒnô̌kònu a cû̌ ô̌dǒ Wî̤̌kaperanò̤ dǒ a ô̌phǔ kû̌ Galilè̤̌ shikoǒdû̌ akòshî̌nu tîwî̤̌. Gûlǎ̤ bǎnu tûkû mî̌ a ô̌phǔ kû̌ Sabǔlûgǎ kû̌ Nataligǎ. ^c 14 Hǒomî̌ a ma̤lǒbekè piwi̤pèshè Khûyashǎya a ta̤hî̌nǎ kû̌,

15 “Ǒ Galilè̤̌ gǎmǒ̤ dǒ Yǔdaphû̌ mè̤̌tô̤̌ tokhlǒ ô̌ ǐ yǎ, Sabǔlûgǎ kû̌ Nataligǎ, dǒ a ô̌ dǒ shikoǒdû̌htu tokhlǒ, kû̌ Jòda shilô̤̌mǒ̤ lô̤̌bò̌ tokhlǒ, lǒ̤꤮ bò sî, ^d 16 Kòyò dǒ a ô̌ dǒ ta̤sǔ a ta̤khǐsiwi̤ alǎ̤ sî, sî kè̌shǐ ta̤lîta̤kakha dû̌ hǒ. Kòyò ô̌ dǒ ta̤sita̤hǎmǎ̤ alǎ̤ sî, ta̤lî shělò̤kakha lò̤bǎ sî hǒ.” ^e

17 Hènè bǎnudě Yeshǔ sahtò̌ shôbǐǐlṳ̌ bǎ kòyò kû̌, “Yò̤lǎ̤plǎdî̌ lô̌khô sîsǎphlǒ, ma̤titè̌hî̌dě mǒkhû̌ ashiagǎ phǔhtò̌hǒ.” ^f